Elon Musk Gobernu Efizientziarako Departamentuko buru izendatu du Trumpek
Munduko pertsonarik aberatsena da Musk, Forbes-en azken sailkapenaren arabera. Vivek Ramaswamy politikari eta enpresa-buru kontserbadorea izanen du bere ondoan, kargua betetzeko. "Erreforma estrukturala" bideratzekoa dute, gobernuarentzat "inoiz ikusi gabeko enpresa-jarrera bat" eraikitzeko asmoz.
Truth eta X sare sozialetan iragarri dute berria: Gobernu Efizientziarako Departamentua izeneko ministerio berria sortu eta Elon Musk jarri du horren buru. Bere ondoan ukanen du Vivek Ramaswamy. Hots, "bi amerikar zoragarri", AEBetako presidente Donald Trumpen hitzetan. Munduko pertsona aberatsena da Musk, besteak beste, X (Twitter zena), Tesla, Neuralink eta SpaceX enpresen jabe dena. Ramaswamy ere da diruduna eta erabat kontserbadorea: "Trumpen programa are urrunago eraman nahi dut", adierazi zuen Errepublikanoen primarioetako lehian aurkezterakoan –atzera egin zuen, azkenean, Trumpi sustengua bideraturik–.
"Erreforma estrukturala" bideratzeko ardura luzatu die AEBetako presidenteak, gobernuarentzat "inoiz ikusi gabeko enpresa-jarrera bat" eraikitzeko asmoz. Alegia, pribatizazioez eta austeritate politikez jositako proposamen politiko-ekonomikoa.
Beranduenik 2026ko uztailerako betetzekoa dute beren misioa. "Gobernu ttipiagoa, eraginkorragoa eta burokrazia gutxiagokoa" eskaini nahi die estatubatuarrei Trumpek.
Milioiak Trumpen aldeko kanpainean
America PAC izeneko konpainia sortu zuen maiatzean Muskek, zehazki, Trumpen aldeko kanpaina bideratzeko. Wall Street Journal egunkariaren arabera, Trumpen alde egin zezaketen estatuetan jarri zuen arreta America PACekin, hauteskunde zerrendetan izena ematera bultzatzeko zale errepublikanoak. Milioiak bideratu ditu komite horrentzat –75 milioi dolar, Libération egunkariaren arabera–. Baina horrez gain, beste motatako ekintzak ere bideratu ditu, tartean zeresan handia sortu duen loteria: Trumpen ideiez jositako petizioa izenpetzen zutenen artean egunero loteria egin eta milioi bat dolar banatzen zituen eguneko irabazleari. Funtsean, Filadelfiako prokuradoreak salaketa jarrita du, ekimen hori legez kanpokoa delakoan. Orotara, 100 milioi dolar gastatu ditu Trump berriz ere garaile aterarazteko lasterketan.
Nola ez, X sare soziala ere baliatu du Errepublikanoen hautagaiaren alde: konspirazio teoriak, etorkinen aurkako diskurtsoak zein Trumpen gezurrak eta promesak zabalduta.
Europako Batzordeak 26.000 milioi euroren inportazioak zergapetuko ditu apirilaren 1etik aurrera, Donald Trumpek altzairuari eta aluminioari ezarritako muga-zergei erantzunez. Enbido-komertzialek jarraitzen badute, Euskal Herrian lehen sektoreak nozituko du gehien norgehiagoka... [+]
Agintean dauden alderdiek kolpe gogorra jasan dute emaitzetan: Inuit Ataqatigiit alderdi ezkertiar independentistak eta Siumut sozialdemokratak aurreko hauteskundeetan lortutako botoen erdia inguru galdu dute, oposizioko alderdien onurarako.
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Inkesta gehienen arabera, Inuit Ataqatigiit alderdi ezkertiar independentistaren eta Siumut sozialdemokrataren arteko aliantzak jarraituko du indarrean parlamentuan. Herrialdeko lehen ministro Mute Egedek hauteskundeak aurreratzea proposatu zuen, AEBen "kanpo presioek"... [+]
Ukraina da munduan arma gehien erosten dituen herrialdea; munduko erosketa guztien %8,8. Merkatuaren ia erdia kontrolatzen duena, berriz, AEB dira: Europak erosi dituen armen erdia baino gehiagok jatorri estatubatuarra dute.
Maiatzaren 12an Filipinetan egingo diren Bongbong Marcosen agintaldiaren erdiko hauteskundeek eman dezakete argibideren bat herritar xeheen artean kezka noraino errotu den begiztatzeko.
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
AEB, 1900eko azaroaren 6a. William McKinley (1843-1901) bigarrenez aukeratu zuten AEBetako presidente. Berriki, Donald Trump ere bigarrenez presidente aukeratu ondoren, McKinleyrekiko miresmen garbia agertu du.
Horregatik, AEBetako mendirik altuenari ofizialki berriro... [+]
Trump/Vance eta Zelenskyren arteko sesio gogoangarriak, Europan behintzat, erabat isilarazi badu ere, bada beste mundu-parte batean bederen dezenteko harrabotsa harrotu duen burutazioa. Afganistango Bagrameko aire-basea berreskuratu nahiko luke Trumpek, bere lehen... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
Hemendik aurrera egunkarian soilik "norbanakoen askatasuna eta merkatu librea" sustatzen dituzten iritziak jasoko direla adierazi du enpresaburuak. Iritzi artikuluen zuzendariak hedabidea utzi duela ere argitaratu du.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]