Elkartasuna adierazi diote Sara Majarenas eta Izarri Donostian
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Otsailaren 15ean epaileak aske utzi zuen Sara Majarenasen bikotekide ohia, 2017an haren bi urteko alaba labankadaz hiltzen saiatu ostean; Majarenas Picassenteko kartzelan (Valentzia) zegoen orduan. Nahiz eta fiskaltzak eta akusazio partikularrak epaiketak iraun bitartean bikotekide ohia kartzelan egotea eskatu, epaileak aske utzi zuen, “ihes egiteko arriskurik” ikusten ez zuela argudiatuz.
Asteartean hasiko da epaiketa Valentzian, eta Kontxi Ibarrondo Majarenasen amak adierazi du ez duela asko espero justiziarengandik, haien alde lanean ari direla ez baitute erakutsi. Antolatzaileek gizartea mugitzea eskatu du, Iruñeko talde bortxaketan bezala, gizartearen presioak bakarrik lortu baitezake “benetako justizia”.
Antolatzaileek Sara eta Izar beldur eta mehatxupean bizi direla gogorarazi dute, otsailaren 15ean Majarenasen bikotekide ohia aske utzi ostean. “Baina ez dira bakarrak: Hego Euskal Herrian 4.869 emakume daude neurri judizialen pean. Eta askoz gehiago dira mehatxupean bizi arren inolako neurririk ez dutenak”, gogorarazi dute.
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.
Kontxako Banderaren bigarren igandean egingo den manifestaziorako deia egin du Sara Izarrekin plataformak. “Bizi nahi dut” lelopean abiatuko dira Bulebarretik, irailaren 8an, 13:30ean.
Valentziako Lurralde Auzitegiak erabaki du Stytianos Messinezis erasotzaileak libre jarraitzea behin behinean, baldintzazko neurriak bete dituela argudiatuta. Uztailean egingo da bere kontrako epaiketa.
Asteartean egin da Majarenas eta honen alabaren kontrako erasoaren auzi saioa. Fiskaltzak erasotzailearentzako 30 urteko espetxe zigorra eskatu du, eta akusazio partikularrak eskariarekin bat egin du.
Sara Majarenasi ongi etorria egin diote Donostiako Intxaurrondo auzoan. 13 urte egin ditu espetxean.
13 urteko espetxealdia amaiturik, aske geratu da Sara Majarenas euskal preso politikoa. Haren izenak oihartzun handia eduki du iazko urtarrilean bi urteko alaba labankadaz bere aitak larriki zauritu ostean.
Michel Foucault eta enparauak irakurriz beti pentsatu izan dut Frantziako Iraultzaren ostean kontrola gorputzaren barneraino sartzeko mekanismo gisa antolatu zutela kartzela egitura osoa. Aurretik, zigor publikoa jasotzen zuten araua betetzen ez zuten horiek: urkamendia, eskua... [+]
Ostegun arratsaldean Donostiako Piratek jakinarazi dutenez, Sara Majarenas eta Izar izango dira aurtengo Aste Nagusi Piratako txupinazoko protagonistak. Larunbatean ezingo dira Alde Zaharreko "La Flamenka" gunean egon, etxean preso baitaude Madrilen. Beren presentzia... [+]
Eusko Legebiltzarreko EAJ, EH Bildu, Podemos eta PSEren taldeek Sara Majarenas euskal presoa askatzeko eskatu dute legez besteko proposamen batean. Legebiltzarreko mahaiak tramitera onartu du, eta beraz osoko bilkuran eztabaidatuko da proposamena. Majarenasen eta beraren... [+]
Sara Majarenasek bigarren gradua eskuratuko duela jakin ostean, 5.000 pertsona baino gehiago batu dira Donostian, ama-alaben askatasuna eta etxeratzea eskatzeko. Majarenasen abokatuak ziurtatu du lanean jarraituko dutela hirugarren gradua lortu arte.