Elkartasun astea Gasteizen, 11/13 makroepaiketako auzipetuen alde
Asteazkenean hasi eta larunbatera bitarte, egitarau mardula antolatu dute, “elkartasun uholdea” sortzea helburu. Asteburuan, auzipetuen herrietan mobilizazioak deitu dira Euskal Herri osoan. Irailaren 16an hasiko da epaiketa Espainiako Auzitegi Nazionalean, eta 14rako manifestazio nazionala deitu dute auzipetuek Bilbon.
11/13 makroepaiketan auzipetutako Gasteiztarren aldeko “5ak Gasteizen, elkartasunez blai!” herri ekimenak elkartasun astearen egitaraua aurkeztu du. Hilabeteak daramatza lanean, “Ane, Nagore, Gorka, Egoitz eta Izaskun maitasunez itotzeko; makroepaiketak betiko urperatzeko; konponbidearen eta preso eta iheslarien eskubideen aldeko borroka freskatu eta indartzeko”. Aste honetan “elkartasun uholdea” sortu nahi du, eta larunbateko mobilizazioko “olatu erraldoiarekin” emango dio amaiera.
Zinema, kultur emanaldiak, haurrentzakoak
Asteazkenerako zinema emanaldia antolatu dute erdiguneko Florida zinemetan. Asier eta Biok filma emango dute, eta aurretik solasean arituko dira filmaren zuzendarikide Amaia Merino eta Asier Aranguren –filmaren protagonistetako bat eta 11/13 makroepaiketan auzipetua–.
Ostegunean, “Kultura, elkartasunez blai!” ekimenak Gasteizko bost plaza hartuko ditu aldi berean 19:00ak eta 22:00ak artean, askotariko emanaldiak eskaintzeko: kontzertuak, irakurraldiak, dantza, arte plastikoak, akrobaziak edo antzerki saioak daude iragarriak. Han izango dira, besteak beste, Iban Zaldua eta Garazi Arrula idazleak, MICE eta Piztupunkeko musikariak edo Irantzu Lekue artista plastikoa.
Ostiralean haurrentzako egitaraua prestatu dute antolatzaileek, “motxiladun ume gehiagorik ez!” lemapean. Gasteizko bost auzipetuen artean lau ume adingabe daude. Ane Gebara ipuin kontalariak emango dio hasiera saioari, umez osatutako Txiki-Zirkuak eta Basakatu musika taldeak emanaldiak eskainiko dituzte eta Porrotx pailazoak ere hartuko du parte.
Irailaren 7an, elkartasun olatu erraldoia
Asteko deialdi zentrala larunbateko mobilizazioa da. Arabako herrietatik ere egin dute deia Gasteizko mobilizaziora bertaratzeko. Arratsaldeko 19:00etan hasiko da, Andre Maria Zuriaren plazan. Erronka kutsua eman diote deialdiari antolatzaileek: “2.800 ur litro behar ditugu elkartasun olatu erraldoia sortzeko. Busti zaitez!”. Urdinez jantzita eta ur ekarpen batekin agertzera gonbidatu dituzte herritarrak.
Euskal Herri osoan zehar
Gasteizkoak ez dira ekimen bakarrak. 11/13 makrosumarioko epaiketa irailaren 16an hasiko da, 14an manifestazio nazionala deitu dute auzipetuek Bilbon, eta elkartasun eta salaketa keinuak ugaritu egin dira. Aste honetarako auzipetuen herrietan sortutako tokiko taldeek hamaika deialdi antolatu dituzte. Ostiral eguerdirako, gehiengo sindikalak mobilizazioak deitu ditu Hego Euskal Herriko lau hiriburuetan.
Martxoaren 1ean ziren ateratzekoak, baina ia hiru aste lehenago geratuko dira aske. Arantza Zulueta Valentziako Picassent espetxean dago egun; Jon Enparantza, berriz, Estremerako kartzelan (Madril).
11/13 makroepaiketako Arantxa Zulueta eta Jon Enparantza auzipetuen espetxeratzeak salatuko dituzte asteazkenean Bilbon, Donostian eta Lekeition deitu dituen mobilizazioetan.
11/13 auzibidean epaileek jarritako zigorrari hasiera eman diote astelehenean. 47ak Herrian plataformak elkarretaratzeak deitu ditu asteazkenean.
11/13 makroepaiketan, 47 auzipetuetako bat da Ibon Meñika bizkaitarra, eta hilabeteotan auzipetuen bozeramaileetako bat izan da. 2013an atxilotu zuten Herrira elkarteko beste zenbait kiderekin batera, eta sei urteren ostean eseri zen Espainiako Auzitegi Nazionaleko... [+]
Astelehen honetako 10:00etan hasi da 47 euskal herritarren aurkako ahozko auzia, baina berehala adierazi dute aldeen arteko akordioa zegoela eta epaiketa eten da.
Irten aurretik, larunbateko manifestazio jendetsuan jasotako babesa eskertu dute auzipetuek. Epaiketara soluzioen aldeko mezuarekin doazela adierazi dute, presoen alorrean zein “konponbidearekin lotutako afera ezberdinetan”. 601 espetxe urteko zigorra eskatzen diete... [+]
Irailaren 16an hasiko da epaiketa Madrilen. Iraganeko estrategia errepresiboak atzean uztea eta preso eta iheslari politikoentzako “soluzio agenda bat” eskatu dute auzipetuek. Asteburuan mobilizazioak egin dira haien herrietan.
ELEAK-Libre mugimenduak datorren irailaren 14an Bilbon egingo den 11/13 sumarioko 47 euskal herritar auziperatuen aurkako epaiketa salatzeko antolatu den manifestaldian parte hartzeko deia luzatzen dio euskal jendarte osoari. Makro epaiketak makro erantzuna jaso behar behar du.
Deialdiak biderkatu dira: auzipetuen herrietako ekimenek mobilizazioak deitu dituzte asteburuan. Gehiengo sindikalak kontzentrazioak antolatu ditu Hego Euskal Herriko hiriburuetan ostiral eguerdirako. Hilaren 12an Ernaik mobilizatzera deitu du, eta Etxeratek edo Sarek irailaren... [+]
Irailaren 12rako elkarretaratzeak deitu ditu gazte antolakundeak Hego Euskal Herriko lau hiriburu eta lau heziguneetan. Makroepaiketaren aurka eta auziperatutako lagunekin elkartasunez kalera ateratzeko deia egin diote euskal gazteriari.
150 norbanako ezagunek, eragilek eta sindikatuk euren babesa adierazi diote 5ak Gasteizen kanpainari eta Arabako auziperatuei. Patxi Zubizarreta idazleak landu du manifestua eta Jose Angel Cuerda alkatea, Maider Unda, Pou anaiak, Evaristo, Juanito Oiarzabal edo Toti Martinez de... [+]
Irailean ikasturte politikoa hastearekin makroepaiketa berri bat abiatuko da Espainiako Erreinuko Auzitegi Nazionalean. 2007ko 18/98 epaiketaz geroztik euskal herritar gehien epaituko dituen epaiketa da. Baita ere espetxe zigor eskari handienarekin hasten dena: 8 eta 20 urte eta... [+]
Irailaren 16an hasita, euskal presoen eskubideen defentsan aritutako 47 euskal herritar epaituko dituzte Espainiako Auzitegi Nazionalean: osasun arloko profesionalak, abokatuak eta presoen eskubideen aldeko eragileetako kideak dira auzipetuak. IrtenBidera. Giza eskubideak,... [+]
Auzipetuak interpelazio dinamika zabala ari dira egiten. Katalunian eta Europako Parlamentuan ere harremanak garatzeko asmoa azaldu dute. Irailaren 16an epaiketa hasi aurretik mobilizazio eta ekimen ugari izango dira.