Hamahiru urte bete dira ETAk Joxe Mari Korta Adegiko presidentea zena hil zuela, eta Bidetik fundazioak, urtero legez, omenaldia egin zion atzo Zumaian. Lagun eta senideez gain hainbat ordezkari politiko bildu ziren bertan. Omenaldiaren aurretik, Bidetik elkarteko bozeramaileek ETAk jarduera armatua utzi osteko egoera aztertzen duen dekalogoa aurkeztu zuten.
Andoitz Kortak (omenduaren semeak), Jesus Alberdik eta Jexux Mari Mujikak irakurri zuten hamar puntuko dokumentua. Haien hitzetan, ETAk behin betiko su-etena iragarri zuenean “poza, eta aldi berean mina” sentitu zuten. “Euskal Herrian etapa baketsu bat hasteak poztu gintuen, baina ETAk berak eragindako biktimekiko inolako errespeturik agertzen ez zuen adierazpena izan zen”.
Elkarbizitza baketsura heltzeko jarrera egokiak zein behar lukeen ere adierazi zuten Bidetik-eko kideek: “Elkarrizketa eta gizarte zibilaren parte-hartzea ezinbesteko dira, baita biktimena ere. Bakea eraiki nahi duten guztiekin hitz egin behar da, nahiz eta mingarria izan”. Haien aburuz, urratsak ematen hasteko garaia da “interes partidistak, gorrotoa eta mendekua alde batera utzita”. Azaldu zutenez, Bidetik prozesu horretan parte hartzeko prest dago.
Ordezkaritza zabala
Kargu publikoak dituzten politikariak zein alderdien ordezkariak hurbildu ziren Zumaiara atzo. Omenaldian izan ziren Iñaki Agirrezabala Zumaiako alkatea, Jonan Fernandez Eusko Jaurlaritzako Bake eta Bizikidetza idazkaria, EAJko Markel Olano eta Bakartxo Tejeria, Sortuko Joxean Agirre, EAko Pello Urizar, Aralarreko Rebeka Ubera eta UPyDko Gorka Maneiro, besteak beste.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazken honetan prozesu horren berri eman du Martin Zabalza motibazio politikoko Biktimen Aitortzarako eta Erreparaziorako Batzordeko lehendakariak. Ostegunean, Egiari Zor Fundazioak eta Nafarroako Torturatuen elkarteak pauso garrantzitsua dela adierazi dute Iruñean... [+]
Sanfermines-78: gogoan! elkarteak, German Rodriguezen ahaideek, 1978ko sanferminetako gertaeretan larriki zauritutako pertsonak eta Iruñeko Peñen Federazioak 2019ko urtarrilean kereila bat paratu zuten 1978ko sanferminetan, Iruñean, jazotako poliziaren... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Egiari Zor fundazioak salatu du “tratu desberdina” jasotzen dutela torturaren biktimek beste biktima batzuekin alderatuta. Halaber, nabarmendu du izapidetze-prozesuan arazoak eta atzerapenak daudela.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.