Gerraren Aurkako Emakumeen Egunean elkarretaratzeak egingo dira Euskal Herrian
Ostirala, hilak 24, Bakearen eta Desarmearen Aldeko Emakumeen Nazioarteko egunean, elkarretaratzeak egingo dira Hego Euskal Herriko hiriburuetan.
Ostiral honetan, maiatzak 24, Gerraren aurkako emakumeon nazioarteko eguna dela eta, Hego Euskal Herriko lau hiriburuetan, eta talde feministak eta antimilitaristak antolatuta, elkarretaratzeak egingo dira. Bilbokoak performance ikusgarri eta koloredun itxura izango du, Armiarma talde feminista antimilitaristak jakinarazi duenez.
"Beldurra baliatuta, segurtasun faltsua saltzen digute"
"Badirudi gerra-aurreko egoeran gaudela uneoro. Izan ere, batzuei hori interesatzen zaie: seguru garela saltzea. Baina segurtasun faltsua da; berez, erabateko kontrola da", adierazi du Bilboko Armiarma kolektiboko kide Julene Eigurenek, Mar de fueguitos irratsaioan egindako elkarrizketan (audioan, 12:30 minututik aurrera).
"Gerrak atzerrian sufritzen dituzte, baina gure bankuek finantzatzen dituzte leku horietara bidaltzen diren armak. Europan, jende askok ateratzen dio etekina gerrari. Zerbait sunttsitu ostean, berriro eraiki behar da... Interes asko dago", dio Eigurenek. "Gure gizartea partaide da. Esku ugari daude odolez zikindurik".
Armiarmako kidearen hitzetan, gerra sufritzen duten herritarren %90 zibilak dira, eta horien artean emakumeak eta umeak dira zaurgarrienak. "Ohikoa da emakumeen gorputzen aurka egitea. Sexu indarkeria maiz sufritzen dute. Bortxaketa gerra arma bat da. Gerrak oso maskulinoak dira berez, testosterona hori guztia... 'Guztiak balio du' horretan, emakumea maiz baliatzen da arerioaren ohorea zanpatzeko..."
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.
Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.
"NATOtik eta gerratik ateratzeko modu bakarra euskal errepublika da", aldarrikatu du Ehun mugimenduak larunbatean Bardeetako tiro poligonoan egindako ekintzan.
Bilboko Iralako kuartel militarra eraisteko parodia egiteagatik, fiskaltzak 36 hilabeteko espetxe-zigorra eta 9.000 euroko isuna eskatu bazituen ere, Bilboko Epaitegiak bakoitzari 360 euroko isuna ezartzea ebatzi du, espetxe zigorrik gabe. Bilboko KEM talde antimilitaristak... [+]
Gerra gordina hasi zenetik urtebete bete denean, Ukrainako gatazkaren inguruko hausnarketa antimilitarista antolatu dute Donostian ostegunean Bake-Ekintza Antimilitaristak eta Centre Delàs d’Estudis per la Pauk. Gerra horri emandako erantzunetan gabezia asko ikusi... [+]