Elkarretaratzea egingo dute Erdizko lurrei buruz galdeketak egitearen alde
Magna meatze enpresak Erdizko lurren ia ehun hektarea okupatu nahi ditu. Baztango hamalau herritan proiektuari buruz galdeketak antolatu dituzte azaroaren 20rako, baina joan den ostegunean Espainiako Gobernuak debekatu egin ditu herri kontsultak, hirugarren aldiz. Baztango herritarrek elkarretaratzea egingo dute asteartean erabakitzeko eskubidea aldarrikatzeko.
Baztango herritarrek astearterako “elkarretaratze masiborako” deia zabaldu dute Erdizko lurrak meatzaritzarako okupatzearen inguruan erabakitzeko eskubidea aldarrikatzeko. Magna meatze enpresak ia ehun hektarea bereganatu nahi ditu, eta azaroaren 20an Baztango hamalau herritan galdeketak egitekoak dira okupazioari buruzko herritarren iritzia ezagutzeko. Espainiako Gobernuko Nafarroako ordezkaritzak debekatu egin ditu herri-kontsultak, aurten hirugarrena ldiz.
Baztango hamalau herritako alkateek, guztiak Almandozekoak izan ezik, herri galdeketak iragarri zituzten pasa den urriaren 24an. Espainiako Gobernuaren Nafarroako ordezkaritzak, ordea, legez kanpokotzat jo ditu ostegunean, eta astelehenera arteko epea eman die alkateei herri galdeketak bertan behera uzteko. Elizondoko Guardia Zibilaren kuartelean eman zieten debekuaren berri, EH Bilduk salatu zuenez. Astelehen goizean bertan dira biltzekoak hamalau alkateak erantzuna emateko.
Bestetik, herritarrek elkarretaratzea egingo dute asteartean 19:30ean Irurita herriko frontoian, Baztango lurren harira erabakitzeko eskubidea aldarrikatzeko. Herri galdeketak eginen dira lelopean egingo dute protesta, Erran.eus hedabideak jaso duenez.
Magna (Magnesitas de Navarra) meatzaritza enpresak Erdizko ia ehun hektarea okupatu nahi ditu. Baztango udalerriek badute haien lurrak kudeatzeko ordenantzarik, baina aurtengo otsailean Magnak proiektua UGEP Udalerriz Gaindiko Eragina duen Plan gisa aurkeztu zuen, eta horrek Baztango Udalen eskumenak galtzea dakar. Nafarroako Parlamentuari eskatu diote UGEPa onartu baino lehen herritarren iritzia entzuteko. Aurten hiru aldiz saiatu dira herri galdeketak egiten, baina hiruetan jaso dute Espainiako Gobernuaren Nafarroako ordezkaritzaren debekua.
Kanboko bi hautetsi nagusiak (auzapeza eta lehen axuanta) errabiatuak dira. Hiru herritarren kontra plainta ekarri dute, Marieneako pentzearen alde protestatzeagatik. Bigarren aldia da enetzat, goizeko 06:00etan, ohetik ateratzen gaituztela (bizilagunarekin), hamar bat... [+]
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Laborantza herrikoiaren alde eta espekulazioaren aurka lanean dabilen Ipar Euskal Herriko egitura 2013an osatu zuten eta orduz geroztik 35 laborari dabiltza ekoizpenean, Lurzaindiaren lurretan.
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.