Elkarretaratzea deitu dute Gasteizen, Legution enpresa kutsakorrak jartzearen kontra
Uztailaren 25ean, Santiago egunean, egin du herri plataformak hitzordua, 12:00etan, Andre Maria Zuriaren plazan.
Agaleus taldeko Sader enpresa kutsagarria Goiainen jartzearen kontrako mobilizazio gehiago iragarri ditu Legution sortu berri den herri plataformak. Uztailaren 25ean, Santiago egunean, egin dute hitzordua, eguerdian, Gasteizko Andre Maria Zuriaren plazan.
Ez da antolatu duten protesta bakarra. Uztailaren 8an beste elkarretaratze bat egin zuten Legutioko udaletxe parean; une berean enpresak batzar informatiboa zuen udalerriko Udaleko eta administrazio batzarreko ordezkariekin.
Ageleus taldeak Icoa enpresa zenak Txabolapean dituen instalazioetan agertu du interesa. Plataformatik azaldu dutenez, Legutiora "teorikoki" etorriko litzatekeen enpresak Profersa - Producción de Fertilizantes S.A.- du izena; hondakinen kudeaketaz arduratzen den Sader enpresarekin batera lursaila partekatzen du Zorrotzaurren (Bizkaia).
Herritarren kezka
Plataforma beldur da etorkizunean Sader ere jarriko ote duten bertan: "Enpresaren hasierako planteamendua erraza izan zen. Profersaren jarduera Icoaren instalazioetara eraman nahi dute, besterik ez. Hala ere, oraindik ez dute Saderrerako behin betiko kokalekurik. Erosten dituzten instalazioek egungoak bikoiztuko dituzte. Gure zalantza da beren jarduera handitzeko asmoa izango ote duten, urtegitik 100 metro eskasera", azpimarratu du. Gogorarazi dute Zierbenan (Bizkaia) instalatzen saiatu direla, baina ezin izan dutela, "portu eta itsasotik gertu dagoelako eta inguruan kolektorerik ez dagoelako. Gure kasuan, Euskadi erdia hornitzen duten urtegietatik gertu egoteak ere oztopo gaindiezina izan beharko luke", adierazi du.
Gaineratu du uztailaren 8an egindako bilkuran, proiektuaren "alde onak" azaldu zituztela Agaleus taldeko ordezkariek; tartean, datorren hamarkadan aurre-erretiroak egon daitezkeela eta, horren ondorioz, 10 bat lanpostu sor ditzakeela aipatu zuten batzar informatiboan.
Udalerrian, 12 enpresa kutsagarriak
Herri plataformak, baina, argi du: "Ez gaude horrelako enpresa gehiago onartzeko prest. Legutioko udalerriak jarduera oso kutsatzailea duten enpresa gehiegi ditu. Goiainen ingurumen-baimen integratua duten 12 enpresa daude". Horrekin lotuta, azterlan epidemiologikorik egiteko asmorik ez ote dagoen galdegin du plataformak, "argi dagoelako gizakiak metal astunekin duen kontaktuaren eta osasun arazoen arteko erlazioa".
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
.jpg)
Barakaldoko Udalak 11.800 euroko isuna ordaintzea eta gauez hiru hilabetez ixtea exijitu dio Bizkaiko enpresari. Abuztuaren amaieratik txistu etengabe, desatsegin eta jasangaitza igortzen du inguru zabalean entzuten dena.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.