Gasteizko hezkuntza komunitateko hainbat zentrok eta eragilek ekimena antolatu dute maiatzaren 10erako, Palestinako umeak gureak ere badira. Genozidioa gelditu! lelopean. Urriaz geroztik zenbait eskola ekimenak antolatzen hasi ziren Paletinarekin elkartasunez, nork berea; pixkana saretu, eta Gasteiz mailako deialdia egin dute ostiralerako; tartean Bilbon ere antolatu da hezkuntza komunitatea lelo beraren bueltan, eta aurrera begira Euskal Herri mailan antolatzea dute helburu. Ekimenaren nondik norakoak aletu dizkigu Markel Elortza Exeak.
Maiatzaren 10erako ekimena antolatu duzue Gazaren aurkako azken erasoaldiaren aurka, baina aurretik ere Gasteizko hezkuntza komunitateak jarduera gehiago antolatu ditu.
Bai, hasiera batean hainbat eskoletako familia eta irakaslek eraman genituen aurrera. Ni, esaterako, Zabalgana institutuko irakaslea naiz, eta hau guztia hasi zenean urrian, ikasleekin batera elkartasun eguna antolatu genuen. Aldi berean Mariturriko eskolan elkarretaratze batzuk egin zituzten, Gereñun astean behin elkartzen ziren erasoa salatzeko...
Mariturrikoek guk antolatutakoaren berri izan zuten, harremanetan jarri ziren eta erabaki genuen Zabalgana auzoko eskola publiko guztien artean (Mariturri, Zabalgana eta Aldaialde eskolak, eta Zabalgana institutua ere) antolatzea. Ekitaldi oso polita egin genuen, eta oihartzuna izan zuenez, gonbita bidali genien Gasteizko gainontzeko eskola publiko guztiei, auzotik ateratzeko. Hitz egin genuen Lakuako eskola batzuekin, Toki Ederreko guraso elkartearekin... Lakuan egin zuten ekitaldia...
"Maiatzaren 15ean 76 urte beteko dira genozidioa hasi zenetik, Nakba edo Hondamendia izan zenetik. Horregatik egin nahi genuen ekimena maiatzaren 15aren bueltan"
Txikitik eta tokitik abiatuta joan zarete saretzen, hortaz. Gasteiz mailako ekimena horren fruitu da?
Lakuako ekitaldiaren ostean argi izan genuen Gasteiz mailako ekimenera jauzi egin behar genuela. Gasteizko eskola guztiei bidali genien testua eta proposamena, maiatzaren 10eko data finkatuta. Mailez egin genuen, batzuk erantzun digute, ea atxikimendua eman dute. Hezkuntzako sindikatu guztietara ere bidali genuen proposamena, eta batu egin dira ELA, LAB eta STEILAS [Euskal Eskola Publikoaz Harro plataformak ere egin du bat deialdiarekin].
Ostiralean Foru plazan elkartu eta jarduera ezberdinak antolatuko ditugu. Gargantua egongo da, kometa tailerra, txapak egitekoa, txokolate beroa, poesia, ipuinak, zuzeneko musika... eta sorpresaren bat ere izango dugu. Animatzen ditugu herritar guztiak hurbiltzera eta Palestinako herriari elkartasuna adieraztera.
Atxikimendu zerrenda mardula da.
Zaila izan da. Zabalganan, adibidez, elkartasun eguna bai egin genuela eskola moduan, baina beste zentro askotan atxikimendua guraso elkarteen bitartez jaso dugu, zuzendaritzen bitartez baino gehiago. Familiak izan dira bultzatzaile nagusiak, eta irakasleak.
Zentro bakoitzak antolatu dituzten ekimenek oinarri komunak izan al dituzte?
Erasoa salatu dugu, eta hezkuntza komunitatetik ari garenez, umeen egoera jarri dugu erdigunean. Dirua bildu dugu guztietan, eta Paz con Dignidad GKEaren bitartez Gazako Al Awda ospitalera bideratu dugu. Maiatzaren 10ean bildutako diruarekin ere berdin egingo dugu.
Zabaldu duzuen testua gordina da, garbiketa etnikoaz edo genozidioaz hitz egiten duzue, eta baita hori guztia ez normalizatzeko borrokatzeaz.
Alde batetik, ez dugu beldurrik izan behar esateko egiten ari direna genozidio hutsa dela. Genozidio hori indartu egin da urritik ona, baina maiatzaren 15ean 76 urte beteko dira hasi zenetik, Nakba edo Hondamendia izan zenetik. Horregatik egin nahi genuen ekimena maiatzaren 15aren bueltan.
Bestetik, urritik ona, denborak aurrera egin ahala, pixkana-pixkana, sarraskia normalizatzen ari da. Askotan zifren inguruan hitz egiten dugu eta perspektibatik galtzen dugu zifra horiek pertsonak direla, umeak direla, eta horregatik salatu behar dugu hitz guztiekin eta beldurrik gabe.
"Behin ostiraleko ekimena atzean utzita buru-belarri jarriko gara Bilboko eskolekin lanean, eta ekimena Euskal Herri osora zabaltzen"
Gasteiz mailan ari zarete, baina iragan astean Bilbon egin zuten prentsaurrekoa hainbat hezkuntza zentrotako ordezkariak, besteak beste Gasteizko ekimenarekin bat eginez.
Bi bide paralelo izan dira, ez genuen elkarren berririk, eta Bilbokoek Arabako Alea-n irakurri zutenean Gasteiz mailako ekimena egingo genuela, gurekin kontaktuan jarri ziren. Elkarren ekimenak babestea erabaki genuen, eta elkarlanena aritzea, saiatzeko dinamika hau Euskal herri osora zabaltzen.
Elkarren berririk izan gabe ere lelo berdina hautatu dugu, Palestinako umeak gureak ere badira: esanguratsua da.
Euskal Herri mailako ekimenen bat antolatzeko asmoa duzue, hortaz?
Bai, joango gara poliki-poliki hitz egiten ea zer antolatu dezakegun, baina aurretik maiatzaren 10eko deialdia dugu, hor ditugu indarrak jarrita: asteartean prentsaurrekoa dugu eguerdian, Ramon Bajo eskolan, astean zehar zentro bakoitzak argazkia aterak du eta horrekin bideo bat osatuko dugu, besteak beste.
Behin hori atzean utzita buru-belarri jarriko gara Bilboko eskolekin lanean, eta ekimena Euskal Herri osora zabaltzen. Zabalganan auzoko ikastolari ere luzatu genion gonbita baina ez zen batu, gero eskola publikora mugatu gara Gasteizen, baina aurrera begira hezkuntza zentro eta komunitate osora zuzentzea da asmoa. Zenbat eta gehiago, hobe.
Beharra dago, tamalez ez baitu ematen Israelen erasoa epe laburrean amaituko denik.
(Behean, Gasteizko auzoetako hezkuntza zentroek antolatutako ekimenak. Argazkiak, Markel Elortzak utziak)
60 dendako eremua kolpatu dute sionistek, muturreraino beteta dagoen al-Mawasi errefuxiatu kanpalekuan. Bosgarren aldia da Israelek eraso egiten diona berak “zonalde seguru” izendatutakoari.
Plataformak urriaren 5erako antolatu du manifestazio bat, Bilbon, ondoko leloarekin: 'Palestinar erresistentzia babestu. Israel eta bere konplizeei aurre egin'.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Ura, argindarra, janaria eta sendagaiak eskuraezin bihurtu dira Jenin hirian. Gutxienez 26 palestinar hil dituzte Zisjordanian, asteazkenetik.
Hamasek adierazi du Israelek okupazioa aukeratu duela, bahituen gainetik. Hildakoen senideek uko egin diote Netanyahuren dolumin deiari, eta su-etena eskatu dute oraindik Gazan dauden 100 bahituak askatzeko.
Sindikatuen gehiengoak gobernuari presio egiteko protestara deitu du. Igandean 500.000 israeldar inguru mobilizatu dira Netanyahuren aurka eta su-eten akordioa eskatu dute, sei bahituren gorpuak Gazatik atera ostean.
Igandean hasiko dira polio txertaketa egiteko su-etenak, goizeko 6:00etan hasi eta 15:00ak arte. Osasunaren Mundu Erakundeak (OME) eman du operazioaren berri eta bederatzi egunetan hiru esparrutan emango da: iparraldean, zentroan eta hegoaldean.
Israelek Gazan atxiloturiko zortzi osasun-langileren eta beste zazpi lekukoren testigantzetan oinarritzen da Human Rights Watch gobernuz kanpoko erakundearen txostena. Nazioarteko Zigor Auzitegiak egoera aztertzea nahi du GKEk. Gazako Osasun Ministerioaren datuen arabera,... [+]
Agorrilaren 27an, Gazan barna elikadura banatzera zihoazen langileei eraso egin diete, beren autoa tirokatuz. Urriaren 7az geroztik NBEko 200 langile baino gehiago hil ditu Israelek Gazan.
Ultraeskuineko ministro Ben Gvir-ek zera proposatu du: sinagoga bat eraikitzea Jerusalemgo Meskiten Zelaiguneetan.
Larunbatetik iganderako gauean, Israelgo armadak gutxienez ehun hegazkin erabili zituen Libano hegoaldea bonbardatzeko. Israelen arabera "prebentziozko erasoa" izan zen, antza, Hezbollah Israel erasotzera zihoala zioen "informazioa" zutelako.
Hamasek salatu du talde islamistak aurretik onartutako akordio proposamenetan Israelgo lehen ministro Netanyahuk baldintza berriak jarri dituela. Iran su-etenaren alde agertu da, baina Israel “zigortzeko eskubidea” aipatu dute, uztailaren 31n Hamaseko buruzagi Ismail... [+]
Palestinarekin Elkartasuna plataformak deituta, bi hiriburuetako jaietan "Palestina presente" egoteko aldarria luzatu dute. Ostiralez Bilbon, eta larunbatez Donostian.