Elkarrekin eskolak bere egiten
Eskolako lehenengo egunetan haurrei bidea egiten laguntzeko zenbait urrats eman ditu Amaia Biurrun irakasle eta pedagogo sistemikoak.
Ikasturtea hasi da, eta txikienak egokitze fasean daude, haur askorentzat eskolara doazen lehenengo aldia delako. Amaia Biurrun irakasle eta pedagogo sistemikoaren arabera, garrantzitsuena da gurasoen eta irakasleen arteko komunikazioa eta elkarlana. Horregatik, nabarmendu du beharrezkoa dela haurrek ikustea helduekin egiten dutela eskola bere egiteko bidea: “Askotan uste dugu hobe dela ez sartzea eskolara haurrarekin, baina hori egiten badugu ez diogu garrantzirik ematen elkarrekin zentro berria ezagutzeari”.
Eskola ezagutzeko bidea elkarrekin egin arren, haurrek esploratzeko autonomia izan behar dutela uste du: “Esaten badiot zerekin jolastu behar duen eta nola, ez diot laguntzen espazio berria konkistatzen”. Horretarako, helduak bigarren planoan geratu behar direla dio; bestela, joaten direnean haurrak galduta sentitu daitezke.
Eskola atsegina izateko, garrantzitsua da “erakargarria” izatea: “Jolasteko aukera egon behar da, baina orden estetikoa ere, horrek kokatzen laguntzen dielako”. Biurrun kontent da irakasleek geroz eta arreta gehiago jartzen dutelako haurren interesetan eta eskolan dituzten materialak baliatzen dituztelako haurrak ezagutzeko: “Hasi baino lehen, gurasoei galdetzen diete haurrak zer duen gustuko; horrela, ikusten badute haurra ez dela egokitzen, bere interesa pizten duen zerbaitekin saiatu daitezke”.
"Batzuetan, uste dugu negarrik ez egiteak esan nahi duela umea egokitzen ari dela, baina momentu batean edo bestean negarra askatu beharko du gelan"
Agurtzeko garaia
Haurrarentzat emozionalki zein psikologikoki laguntzeko, garrantzitsua da irakaslearen eta gurasoen artean haurraren erritmoak errespetatzea, eta horren arabera gurasoek lehenago edo beranduagoa agurtzea haurra: “Batzuetan, uste dugu negarrik ez egiteak esan nahi duela egokitzen ari dela, baina geletan izan dudan esperientziarengatik, badakit momentu batean edo bestean negarra askatu beharko dutela”.
Agurrak gurasoei zein haurrei “beldurra” eta “ziurgabetasuna” eragin diezaiekeenez, “oso garrantzitsua” da gurasoen eta irakasleen arteko komunikazioa lantzea: “Horri esker identifikatu dezakete eskola espazio seguru bat dela”. Gaineratu du konfiantzazko pertsona bat dela identifikatzeko irakasleak gurasoak banan-banan agurtzeko aukera izan behar duela: “Oso garrantzitsua da haurrak ikustea gurasoa ez doala deus esan gabe eta konfiantzazko norbaitekin uzten duela umea”. Gaineratu du, haurra despistatzen denean, negarrik ez egiteko, deus esan gabe alde egiteak “angustia handia” eragiten diela: “Haurrak egiten duen lotura da, ongi dagoenean bere erreferentziazko pertsona joaten dela”. Horregatik, garrantzitsua da egoera “gogor” horietan gurasoek akonpainamendua egiteko prestatzea.
Eskolan bidelagun izateaz gain, eskolatik ateratzen direnean ere garrantzitsua da ondoan egotea: “Askotan, eskolatik ateratzen direnean deserosoak diren eztanda emozionalak izaten dituzte, eta horiek kudeatzen jakin behar dugu”.
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]