Iazko urteak eman duenaren azterketa eta 2023an dauden erronka nagusiak jasotzen ditu Behategiaren urteroko argitalpenak. Azken horien artean dago digitalizazioaren eta adimen artifizialaren garapena baliatzeko urrats sendoak eman beharra; dela eleaniztasuna, ikus-entzunezkoak, audientzien neurketa edo berrikuntza bezalako eremuetan.
Hamalau artikuluk eta hiru eranskinek osatzen dute alea, eta hogeita hamazazpi sinatzaile ditu orotara. Lehenengo biak, Behategiko koordinatzaile den Libe Mimenza Castillok eta Hekimen elkarteko zuzendari den Igor Astibia Teiletxeak idatzitako kronika bana dira. Nazioarteko joerak aztertu ditu lehenak eta euskal hedabideen ikuspegitik iazko urtearen errepasoa egin du bigarrenak.
Itziar Laka Hizkuntzalaritzan katedradunak ekarri du aurten gogoetaren atalera eleaniztasunari buruz aspaldi lantzen dabilenaren lagin bat. Euskara arrain elektrikoen itsasoan izena darama idazkiak eta esparru horretan erabakiak hartzeko eta urratsak emateko noranzkoa aski definitua dauka.
Bost dira sektorean (edo beragandik oso hurbil) dihardutenen ahotik jasotako artikulu laburrak, eta honako gaiak jorratzen dituzte: Goiena, Tokikom eta EITBren arteko elkarlana (eta 22. Korrika hedatzeko elkarlanaren inguruko eranskin labur bat); sortu berria den Badalab egitasmoa; Zibererasoen aurrean hartu beharreko neurriak; Wikipedian edukiak partekatzearen garrantzia; eta EnpresaBidea komunikabide berriaren sorrera.
Sei dira ikerketa lan luzeen ondorio diren artikuluen saila osatzen duten lanak:
EHU-EITB Multimedia Komunikazioan Masterra duen Eneko Iriondo
ikerlariak idatzitako Euskarazko ikus-entzunezkoen egungo produkzioa. Ekoizpenaren, kontsumoaren eta zabalkundearen azterketa, begirada kualitatiboa ardatz
Iñaki Zabaleta ikertzaile buru duen UPV/EHUko HEKA taldeak egindako Europa txikiaren sareko albisteak: hizkuntza gutxituen online agenda orekatua, mundu mugatua azterlana.
Twitterren jarraitzaile gehien dituzten Behategiari lotutako zazpi hedabideen komunitateen analisia egiten duen Hedabide euskaldunen audientziari buruzko sareen analisia artikulua; Jordi Morales i Gras eta Amaia Perez de Arriluzea Madariaga Eudan.eus-eko analistek eginikoa.
CodeSyntax enpresako Josu Azpillagak Libe Mimenzaren laguntzaz aztertutako Hekimen elkarteko webguneen analisia dakarren Hekimen elkarteko webguneak 2022. urtean eta azken 10 urteetan artikulua.
Amaitzeko, podcastgintzara zuzendu dugu antena eta bloke bat osatu dugu bi ikerketarekin eta beste bi eranskinekin. Batetik, Euskarazko podcasten egoera landu du Mondragon Unibertsitateko graduatu talde batek, Eneko Bidegainen gidaritzapean. Eta, bestetik, Feminismoa Euskal Herriko euskarazko podcast unibertsoan aztertu du Arantza Gutierrez-Paz buru duen UPV/EHUko Emakumeen Ikusgaitasuna Hedabideetan Ikerketa Taldeak. Blokea osatzen duten eranskinak dira, LGTBIQ+ podcastak euskaraz, animalia mitologiko hori, azken talde honen eskutik; eta Podcasten kontsumoari begirada bat, UPV/EHUko NOR Ikerketa Taldeko Edorta Aranak sinatuta.
Euskal Hedabideen Urtekaria 2022-2023 sarean dago eskuragarri, behategia.eus helbidean. Berrikuntza gisa, lanean ari gara laster artikuluak ingelesez ere emateko webgunean, Elia itzultzaile automatikoaren bidez.
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
45 urte zituela hil da, gaitz larri baten ondorioz. Azkeneko bi urteetan Pantailak Euskaraz mugimenduaren bozeramaile eta lehendakari izan da, euskarazko ikus-entzunezkoen beharra aldarrikatzen.