“Elkanoren balentria ikaragarria” ezagutzera eman nahi duen fundazio publikoa aurkeztu dute
Ostegunean aurkeztu dute Donostiako San Telmo museoan Elkano Fundazioa, “Elkano: Euskadi around the world, again" lelopean. Juan Sebastian Elkanoren mundu biraren 500. urteurrenaren harira egingo diren ekimen eta ospakizunak kudeatzea izango du helburu. Horretarako Eusko Jaurlaritza, Gipuzkoako Aldundia, Urola Kostako Elkartea eta Getariako Udalaren sustengo politiko eta ekonomikoa jaso du Fundazioak.
2019an hasi eta 2022ra arte egingo du lan Jon Irurtzunek zuzenduko duen Fundazioak. Espainiako Armadaren zerbitzura aritutako itsasgizon getariarraren izena "Euskadi nazioartean ordezkatzeko marka" bihurtzeko asmoa dutela berretsi dute aurkezpenean, "gure herriaren kultura, ekonomia eta gizartea garatzeko" asmoz.
“Elkano: Euskadi around the world, again"
Elkanori buruz informazio eta ezagutza eskasa dugula adierazi du aurkezpenean Markel Olano Gipuzkoako Ahaldun nagusiak. Eta hala, Elkanori buruzko ikerketa eta ezagutza handitzeko bideratutako hainbat ekimen antolatu dutela iragarri dute; tartean, Kanadako Notre Dame unibertsitatean Elkanoren inguruko katedra bat abiatzea.
Fundazioaren webgunea ere zabaldu dute: www.elkanofundazioa.eus. Han jaso dute datozen hiru urteetarako lanketaren ikuspegia. Webgunean ez dira islatzen Juan Sebastian Elkanok Espainiako Erresumako inperialismo, Asia eta Amerikako konkistarekin eta, orohar, biolentziarekin izan zituen harreman estuak; itsasoarekin lotutako pasarte atseginak azpimarratzen dituzte. Diotenez, asmoa da Elkanoren inguruan marka bat sortzea, "euskaldunek gizateriari egindako ekarpenari balioa emanez" eta "euskaldunak bereizten gaituen indarra eta ausardia" aintzat hartuz, nazioartera "Euskadi" ezagutzera emateko. Horretarako, hainbat ekimenen berri jaso dute jardueren atalean: kongresu gastronomiko bat antolatuko dute, "Elkano, lehen mundu bira" animaziozko filma sustatu dute, 2019ko uztailean "Horizonte Elkano" jaialdi eta estropadak antolatuko dituzte eta irteera turistikoak antolatuko dituzte Getaria itsasontziz ezagutzeko, beste batzuen artean.
Espainiako Gobernuarekin harremanetan
EAEko instituzioez gain, Espainiako Gobernuaren eta Andaluziako instituzio publikoen aupada izango dute mundu biraren 500. urteurrenak eta Elkano markak. Sanchezen gobernuak “Lehen Mundu Biraren Bidaiaren V urteurrena ospatzeko batzorde nazionala” sustatu du eta haren bitartez, Carmen Calvo ministroak berriki adierazi duenez, “Espainiako historiaren alderdirik onenaren berri emango dugu”. Elkano Fundazioko zuzendari Jon Irurtzunek aurkezpenean adierazi zuenez, Espainiako Gobernuaren ekimenarekin "harreman iraunkorra" izan eta izango du Elkano Fundazioak.
Asteazkenean mobilizazioa egingo dute bigarren urtez jarraian, "ipar global eta zuriaren menderatze historikoa" salatzeko.
Irailaren 6an Victoria ontzia Sanlucar de Barramedara iritsi zeneko V. mendeurrena ospatu zuten, bost mende lehenago portu hartatik abiatu eta hiru urte geroago lehen mundu bira osatu izana gogoan. Horrelako oroipen ospakizunetan ohikoa denez, urteotan zeharkaldia gogoratzeko... [+]
Eusko Jaurlaritzak irailaren 6a jai-eguntzat izendatu du Euskal Autonomia Erkidegoan, Juan Sebastian Elkanok munduari emandako bira ospatzeko. Gasteizko herri ekimenak elkarretaratzea egin du General Loma enparantzan. Adierazi duenez, "aurrera eraman nahi dugun mobilizazio... [+]
Asteartean Elkanoren Lehorreratzea herri antzerki berezia egingo dute Getarian. Eusko Jaurlaritzak ezarritako jai egunarekin bat eta Elkano Cadizko Sanlúcar de Barramedara heldu zela 500 urte bete direla eta. Halere, ez da mundu bira horrek eragindako lehorreratze... [+]
Euskal Herriko kaleetan kolonialismoarekin eta esklabotzarekin lotura duten pertsonaien presentzia aztertu du ARGIAko kazetari Axier Lopezek Gure heroiak liburuan, nazioartean sinbolo horien inguruan dagoen eztabaida Euskal Herriratzearen garrantziak mugituta. Liburua ARGIAren... [+]
Eguneroko ariketa inkontzientea gai bilakatu da Euskal Herriko egonaldian. Ez daramazkit egun asko eta jada arnasa estutu zait behin baino gehiagotan... Begirale moduan nabil ene herria bilatu eta berrezagutu nahian. Lehen ez ote nituen gauzak ikusi nahi edo atzerapauso galanta... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.
Gure heroiak liburua idatzi du Lopezek Elkanoren mundu biraren bosgarren mendeurrenaren aitzakian, eta ARGIAk argitaratuko du, irailean. Euskal Herriko kaleetan kolonialismoarekin eta esklabotzarekin lotura duten pertsonaiek duten presentzia aztertu du, nazioartean sinbolo... [+]