Cascanteko apaizaren adierazpen xenofoboek eliztarren kexak eragin dituzte
"Ez dut ezer musulmanen kontra"... baina mezetara gero eta fededun gutxiago joatea immigrazioarekin lotu du Cascanteko apaiz Jesús Planillo Bartosek, herriko festetan emandako sermoian. Esandakoek eliztarren artean marmarra eragin du, eta abadeak barkamena eskatu behar izan du.
Sare sozialetan zabaldutako bideoan entzun daitekeenez (40. segundotik aurrera), apaiza Andaluziako hainbat parrokiatan ikusitakoez hitz egiten hasi da. "Penaz bueltatu naiz. 15.000 biztanleko herri batean, non hiru ikastetxe eta institutu bat dauden... herritarren %40 musulmana da... eta nik ez dut ezer musulmanen aurka... kontua da orain 40 lagun joaten direla igandeko mezara, lehen eliza betetzen zenean. Penagarria da, ezta? Alboko herrian, ez dira %40, baizik eta %60. Familia osoek auzotik ospa egiten dute, ezin dutelako bertan bizi. Zergatik? Botere publikoek orotariko erraztasunak ematen dizkietelako immigranteei... zeina ongi iruditzen zaidan. Eta nazionalak?".
Apaizaren hitzek marmarra eragin dute elizan. "Ez dut zuek hitz egiterik nahi, elizan gaude", zuzendu zaie abadea. "Ez naiz politikaz ari. Gero esango dute politikaz hitz egiten dudala. Ez, hona ospatzera datorren ama baten bihotzaz hitz egiten ari naiz...". Marmarra eten ez dela ikusita, Francisco Javier Aramendia parrokoa Planillori hurreratu zaio, eta belarrira xuxurlatu. Ostean, barkamena eskatu du Planillok. "Ez dut inor mindu nahi. Nire herria zarete, ez naiz horretara etorri. "Ez naiz lotsatzen xehetasun batzuk esateaz; ez da inor iraintzeagatik, baizik eta Jainkoak bihotza sendatzeko irakasten dizkigun xedapenak irakasteagatik".
Begoñako gotzainaren adierazpen "transfoboak"
Cascanten gertatuak duela bi aste Bilboko gotzain Joseba Segurak Begoñako elizan emandako meza ekarri digu gogora. Birjinaren egunean egindako mezan iruzkin transfoboak egitea egotzi zioten Segurari, Uriola.eus-en irakurri daitekeenez. "Norberak ezin du bere identitatea, izan gizon, emakume, edo bien arteko zerbait, nahi bezala hautatu, jaio garen gorputza dena izanik", esan zuen gotzainak.
Iratxe Uriarte, Euskadiko Gazteriaren Kontseiluko zuzendariak Radio Euskadin eginiko elkarrizketa batean, Seguraren adierazpenak transfoboak direla salatu zuen, baita halako diskurtsoak “katolizismoak irakasten dituen balioetatik urruntzen” direla, “hurkoa maitatzea”, besteak beste. Horrez gain, gotzainak “Euskal Herrian eta estatu espainiarrean gorakadan dagoen olatu erreakzionarioa babestu eta adierazpen nahiko transfoboak egitea” egotzi zion gotzainari.
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta... [+]
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Arrigorriagako Udalak elkarretaratzea egin du igandean udaletxeko plazan, ostiralean txinatar jatorriko merkatari batek bere dendan jasandako erasoa salatzeko eta biktimari babesa adierazteko. Horrez gain, Ipar Euskal Herriko Kontseilu Sozialistak elkarretaratzea antolatu du... [+]
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Kasua auzitegietara eramateko aukera aztertzen ari dira.
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]