Elizondoko zahar etxetako erresidentzietako langileek “lan hitzarmen duin bat” lortu dutela ospatu dute
Elizondoko zahar etxeko langileek prentsaurrekoa egin dute asteartean, iragartzeko azkenean hitzarmen kolektiboa berritzeko akordioa lortu dutela, hainbat greba egun eta mobilizazio ugari egin ostean. Langile batzordeak aho batez onartu du akordioa.
Zortzi eguneko greba eta herrian mobilizazio ugari egin ondoren, Elizondoko adineko zentroko langileek lortu dute hitzarmen kolektiboa berritzeko akordioa. Akordio horrekin langileen bizi baldintzak hobetu egin dira. Zehaztu dutenez, ondokoak lirateke hobekuntzak, besteak beste: soldata igoerak, lanaldiaren murrizketa, gaixotasun arrunten bajak lehenengo egunetik kobratzea, aurrejubilazioa errelebo kontratuaren bidez txertatzea, lan egutegi adostuak, eszedentzietan hobekuntzak edota Nafarroarako sektoreko hitzarmena sinatuz gero jasotzen diren hobekuntza guztiak automatikoki aplikatzea.
"Ez da erraza izan honaino ailegatzea. Oztopo aunitz gainditu behar izan ditugu (covid egoera, inflazio handia, egungo nazioarteko ziurgabetasun-egoera...), baina, batez ere, enpresa bati egin behar izan diogu aurre: IDEA Zerbitzu Soziosanitarioak, batere enpatikoa ez dena, negoziatzeko inolako borondaterik izan ez duena, beti bere onura ekonomikoa lehenetsi duena. Are gehiago, Elizondoko egoitzatik gehienez bi urteko epean atera beharko duela jakinda", esan dute langileek.
Egindako borroka eta langileek erakutsitako batasuna goraipatu dute, eta Baztango eskualdean herritarren artean jasotako sostengua eskertu dute langileek.
Hala ere, azpimarratu nahi izan dute lan aunitz gelditzen dela "sektore honetako lan baldintzak duintzeko, ez enpresek ezta instituzioek ere ez baitute inolako aitortzarik egiten". Baina onartu dute akordio honekin "apur bat aitortuagoak" sentitzen direla.
Akitzeko, aurrera begirakoan euren borroka Baztango udalak zahar etxea publifikatzeko hartutako konpromisoa blindatzera eta gauzatzera bideratuko dela iragarri dute. "Zuzeneko kontrol eta kudeaketa izango duen egoitza publiko baten beharra aldarrikatu nahi dugu. Gure aitatxi eta amatxiei zaintza zerbitzu egoki bat emateko, langileon lan-baldintza duinak bermatzea ezinbertzekoa da. Etekin ekonomikotik eta enpresa-logikatik kanpoko zaintza sistema behar dugu, egoiliarrak eta zaintzaileak zentroan jarriko dituena", aipatu dute.
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Hitzarmenak eta egoerak ezberdinak dira lurralde bakoitzean, baina lan baldintza duinen eskean dira zahar etxeetako langileak. Grebak antolatu dituzte Nafarroan, Bizkaian, eta Araban, eta Gipuzkoan LABek elkarretaratzea egin du UGTk adostutako akordioak “egoera... [+]
55 urtetik gorako pertsonen bizi-baldintzak aztertzeko EAEn egin duten inkestaren arabera, asebeteta dagoen jende aktiboa da gehiengoa, zahartzaroaz sarri eman ohi den irudi ezkor eta infantilizatutik urruti.
Irailaren 17an manifestazio jendetsua egin zuten Madrilen, Beste zaintza eredu bat posible da lemapean. Estatuko Plataforma osatzen duten zaharren egoitzetako senideen elkarteek deitu zuten, tartean Zaintza Babesten federazioak. Instituzioei zein herritarrei argi utzi diete... [+]
Hitzarmen kolektiboaren negoziazioa geldituta dago 2021eko otsailetik. ELAk eta LABek negoziazio mahaitik altxatzea erabaki zuten orduan, patronalak plataformako edozein artikulu aldatzeari uko egin ziola arrazoituz. Besteak beste, sindikatuek ez zuten onartu patronalak egiten... [+]
Arabako erresidentzien sektoreko lehen hitzarmena lortzeko ari dira borrokan. Orain hiru urte hasi ziren mobilizazioak. Hala ere, patronalak negoziazio blokeatzen jarraitzen duela salatu dute sindikatuek.
Salaketa jarri dute LAB eta ESK sindikatuek Bizkaiko Foru Aldundiko Ikuskaritzan. Greba hasi dute asteartean berriro Orozkoko Ibarra auzoko egoitzako langileek, lan baldintza duinen defentsan.
Bederatzigarren liburua argitaratu du Ahoztar Zelaieta Zamakona ikerketa kazetariak, Txalaparta argitaletxearekin: Residencias SA. El negocio de los cuidados en Euskal Herria (Egoitzak SA. Zaintzaren negozioa Euskal Herrian). Azken 30 urteetan zaharren egoitzen sektoreak izan... [+]
Bilbon, Gasteizen eta Donostian Foru Aldundien aurrean egin ditu elkarretaratzeak LAB sindikatuak, "EAJ interpelatzeko"; Iruñean, berriz, PSNren egoitza aurrean egin du protesta.
Paqui Belda Gajdos (Herbehereak, 1965) Artziniegako La Encina egoitzan sei urtez lan egin ostean apirilean kaleratu zuten. Orain, epaile batek bidegabea izendatu du kaleratzea. Erresidentzia pribatuetako errealitateaz mintzatu da.