Elizaren sexu abusu kasu gehiago salatu dituzte Elgoibarren eta Bilbon
Elgoibarko abade batek 1960ko hamarkadan haurrak zirela egindako sexu abusuak salatu dituzte hainbat herritarrek. Berria egunkariak, "Don Andoni" bezala identifikatu duen abadeak egindako abusuen testigantzak jaso ditu. Bestalde, Bermeoko Jose Done ikastetxeko apaiz pederastak, Bilboko Santutxu auzora aldatu zutenean ere sexu abusuak egin zituela egiaztatu EiTBk.
Elizako pederastia kasuek ez dute etenik eta behin eta berriz ari dira azaleratzen testigantzak azken urteotan, baita Euskal Herrian ere. Hedabide honek, esaterako, Derioko Seminarioko zuzendari espiritual Manuel Estomba irundarraren kasuaren berri eman zuen 2019an.
Oraingoan, salaketak Elgoibarko herritarrek egin dituzte eta Berria-k jaso ditu haien testigantzak. "Don Andoni" izeneko abade batek –ez da haren izen osoa ezagutarazi oraingoz– San Roke auzoko eskolan latineko klaseak ematen zizkien haurrei 1960ko hamarkadan egindako abusuak kontatu dizkiote Jone Arruabarrena kazetariari.
Don Andonik haurrak zigortzeko aitzakiapean haien etxera joanarazten zien igandetan: "Eskua sartzen hasi zitzaidan izterretatik, eta ukituak egiten. Ni beldurtatuta nengoen, paralizatuta", esan dio haietako batek kazetariari. Gertatutakoa isildu egin zuen testigantza horrek eta 40 urte eduki arte ezin izan zion inori kontatu.
Don Andonik haurrak zigortzeko aitzakiapean haien etxera joanarazten zien igandetan
Halako kasu gehiagoren berri ere izan du Arruabarrenak eta herritar askok horren "kontziente" zirela ziurtatu diote. Abadea tokiz aldatzerakoan, Donostiako Altza auzora, dirudienez han ere sexu abusuekin jarraitu zuen.
Bermeoko pederasta, Bilbon ere pederasta
1980ko hamarkadan Bermeoko Jose Done ikastetxeko haurrei sexu abusuak egindako "Felipe anaiak", Bilbora tokiz aldatu zutenean, erasoekin jarraitu zuela ziurtatu du EiTB. Zehazki, Santutxuko Berri-Otxoa eskolan ibili zen 1982tik 1988ra, eta hedabide horrek egiaztatu du hainbat laguni egin zizkiela sexu abusuak.
"Umeen maitasuna lortzen zuen, eta ondoren, bulegora eramaten zituen, belaunetan eserarazten zituen, eta ukipenak egiten zizkien, musutxoak eman...", adierazi du haietako batek. Beste testigantza baten arabera erreparorik gabe egiten zituen abusuak eta taldeka eramaten zituen haurrak, "banan-banan abusuak egiteko".
Bermeoko pederastaren kasua Asier Sánchez EiTBko kazetariak egindako ikerketa bati esker jakin zen eta gutxienez 13 biktima identifikatu dituzte. Hain justu, hedabide horrek orain jakin du pederastak haietako hiruri aitortu diela abusuak egin izana eta "barkamena" ere eskatu diela, "baina bideoz egin zuen eta bilera pribatu batean". Biktima horiek barkamena publikoki eskatzea nahi dute.
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]
Goierriko Itaia Emakumeen Antolakunde Sozialistak elkarretaratzea egin du larunbat eguerdian Beasaingo Bideluze plazan, herriko Andre Mari Zeruratuaren elizako apaiz laguntzaile izendatzearen aurka, "Elizaren inpunitatea borrokatu" lelopean.
Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.
Juan Kruz Mendizabal “Kakux” elizgizona Beasaingo elizako apaiz laguntzaile izendatu du Pedro Ayuso Donostiako gotzainak. Mendizabal Gipuzkoako bikario nagusi izan zen eta udalekuetan sexu gehiegikeriak egin zizkien hainbat adin txikikori, haiekin zuen konfiantza... [+]
Espainiako Eliza Katolikoak pederastiari buruzko egin duen lehen agiria da ‘Para dar luz’. Ostegunean Madrilen argitaratu dute eta bertan jaso dituzte 1940ko hamarkadatik aurrera Elizaren ierarkiako kideek ehunka adingaberi egindako sexu-abusuak. Pederastiaren... [+]
Eliza barruan izandako sexu abusuak ikertu eta adingabeak babesteko Bilboko Elizbarrutiak sorturiko batzordeak 50 biktima baino gehiago elkarrizketatu ditu 2019an martxan jarri zenetik. Orain ikerketaren emaitzak plazaratu dituzte: "Gure elizan ere gertatu dira sexu... [+]
Eliza Katolikoaren barruan izandako sexu abusu eta pederastia kasuek hedabideetako orrialde ugari bete dituzte, The Boston Globe egunkariak duela bi hamarkada, 2003an, Pulitzer saria jaso zuenetik, Bostongo artzapezpikuaren abusuak azaleratzeko egindako lanagatik. Baina biktimek... [+]
Astelehenean, Donostiako gotzain berri izendatu zuen Elizak Fernando Prado bilbotarra. Bera izango da Munillaren oinordekoa, zortzi hilabetez gotzain gabe egon ostean. Aurkezpen ekitaldiko harrigarriena, ordea, Juan Kruz Mendizabal Kakux-en presentzia izan zen.
Delitua preskribatuta egonik ere, biktimen aitortza bermatuko du legeak. Nafarroako Gobernuko indarrek aurkeztu dute lege proposamena, eta EH Bildu eta Ezkerraren babesa ere izan du. Navarra Sumak, aldiz, kontra bozkatu du.
Eliza Katolikoaren barruan gertatutako sexu abusuen biktimak aitortuko dituen Espainiako Estatuko lehenbiziko legea izango da Nafarroakoa. Zirriborroan jasoa dagoenez, biktimen eskaerak baloratuko dituen batzordea osatuko da, zeinak azaleratutako pederastia kasuak jasoko dituen... [+]
Eliza katolikoko ordezkariek haurren kontra hamarkada askotan egindako sexu-gehiegikerien auziak eztanda egin du Euskal Herrian.