Elixabete Garmendiaren ibilbidea saritu du Kazetarien Euskal Elkargoak
Astearte honetan banatu ditu Kazetarien Euskal Elkargoak urtero eman ohi dituen sariak. Ibilbide profesional osoari eskainitako atalean, Elixabete Garmendia Zeruko Argia-ko eta ETBko kazetariaren lana nabarmendu dute aurten.
Ormaiztegin jaioa, Elixabete Garmendiak Nafarroako Unibertsitatean ikasi zuen kazetaritza eta Zeruko Argia-n hasi zuen bere ibilbide profesionala. Garain konplikatuak ziren euskaraz argitaratzen zen prentsarentzat: nagusiki gaztelaniaz publikatzen ziren egunkari abertzaleen sorreraren eraginez, Zeruko Argia-k profesional inportanteak galdu zituen, Deia egunkari sortu berrira joan zen Mikel Atxaga adibidez –ordura arte Zeruko Argia-ren zuzendaria zena–. Hiru emakumek hartu zuten euskarazko astekariaren lema: Garmendiak berak, Lourdes Auzmendik eta Pilar Iparragirrek. Haiei esker iritsi zen Zeruko Argia-k 1970eko hamarkadaren amaierara arte, “Argieroak” gisa ezaguna den taldeak 1980an proiektua bere gain hartu eta gaur egungo ARGIAren oinarriak jarri zituen arte.
Garmendiak Gipuzkoako Foru Aldundiko euskara zerbitzuan lan egin zuen epe labur batez, baina kazetari senak Euskal Telebistara eraman zuen 1986an. Hainbat saiotan parte hartu du ETBren ibilbidean, besteak beste 1990eko hamarkadaren erdialdetik euskaldun askoren erreferentziazko saio bihurtu zen Bertatik Bertara.
Telebistako lan hori euskal hedabideetan egindako kolaborazio ugarirekin uztartu du Garmendiak, ARGIAn bertan, Berria-n, Jakin-en edo Euskalerria Irratian besteak beste. Hainbat libururen egilea ere bada, azkenekoa Berria, Jakin eta Elkarren eskutik argitaratutako Carlos Garaikoetxearen biografia. Eusko Jaurlaritzaren Bidegileak bildumarako egindako hainbat biografiak ere Garmendiaren sinadura dute, baita 36ko Gerrak Ormaiztegin utzi zuen arrastoari buruzko liburua ere. 1987an, ETAk hil zuenetik urtebetera, Yoyes desde su ventana liburuaren argitalpena ere koordinatu zuen.
Olatz Arrieta, Juantxu Rodriguez eta Pikara ere sarituak
Ibilbide profesionalaren sariaz gain, Kazetarien Euskal Elkargoak beste hainbat lagunen lanari aitortza egin dio. Olatz Arrieta ETBko kazetariak jaso du “Euskal Kazetariak” ataleko saria eta Julen Rekondok berriz “Ingurune kazetaritza”-ri dagokiona. Adierazpen Askatasunaren José María Portell'a saria Mugarik Gabeko Erreportariak gobernuz kanpoko erakundeari eman diote; 'Pertsonaia edo Giza instituzioa'ren saria, Bizkaiko Elikagaien Bankuarentzat izan da.
Aurten lehenbiziko aldiz eman den “Fotokazetaritza” sariak Juantxu Rodriguez omendu nahi izan du: 1989an soldadu estatubatuar batek hil zuen Rodriguez, Panamaren inbasioaren berri ematen ari zenean. 32 urte zituen une hartan Rodriguezek eta ordurako ibilbide luzea egina zuen, Deia egunkaritik hasita nazioarteko mediotaraino iritsiz.
Hedabide digitalen alorrean Pikara Magazine webgunea saritu dute: Bilbon sustraitutako hedabide honek urteak daramatza begirada feministadun kazetaritza egiten.
France 3 Euskal Herri telebista katea apalduz doa. Kate horretako kazetari eta langileek jakin berri dute berriz ere programazio eta finantzaketa apaltze bat pairatuko dutela. Egun oroz, zazpi minutuko berriak eman izan dituzte, baina iragan udatik bi minutuz murriztu zieten... [+]
Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Aiaraldea Komunikabidea sortu zuten lehen, eta Faktoria gero. Laudion dute egoitza, eta bertan ari da lanean
Izar Mendiguren. Kazetari, bertsolari, musikari, militante... Ipurdi batez eserleku bi ezin estali litezkeela dio esaerak, baina hori baino handiagoa da Mendigurenen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Opari hau ez da izango momentuan ireki, gozatu eta egun gutxian bazter batean geratuko den horietakoa. Urte osoan gozatzeko zerbait ariko zara ematen, astero helduko baitzaio etxera aldizkari bat.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]