Elikagaien banaketa sareei barazki freskoak ematen dizkie Lekitto Bedarra proiektuak
Lekeition auzolanean ortua lantzen duen Lekitto Bedarra proiektuak ekimen hauxe jarri du martxan koronabirusak eragindako egoeran: ekoizten dituzten barazkiak herriko laguntza sareen bidez zabaltzen dituzte.
2013an jarri zuten martxan Lekeitioko hainbat lagunek Lekitto Bedarra proiektua. “Espekulazio arloan proiektu asko zeuden hemen, eta horri aurre egiteko alternatiba moduan sortu genuen taldea”, azaldu du Julian Arrate kideak. Lekeition ortugintza tradizio handia zegoenez, herritarren ortua martxan jarri eta jakintzak elkarbanatzeko espazio bat egitea zen asmoa. Urteotan auzolanean funtzionatu dute, eta orain, koronabirusak eragindako egoeraren aurrean egitasmo berri bat jarri dute martxan: barazkiak ekoizten ari dira Lekeitioko laguntza sareen bidez behar gehien dutenei helarazteko.
110 kilo barazki banatuak
Hamar bat lagun dabiltza Lekitto Bedarra proiektuaren bueltan. Orain arte, herritarren ortuan ekoizten zituzten barazkiak auzolanean aritu zirenen artean banatzen zituzten, edota laguntza eskaintzen zieten inguruko komertzioei. Baina koronabirusak eragindako egoeraren aurrean Lekittarrok Zaindu sarea martxan jarri zen herrian, eta ortuko barazki freskoak beste bide batetik banatu zitzaketela bururatu zitzaien taldekideei. “Herrian sortu zen laguntza sare horri gure ekarpena nola egin geniezaiokeen pentsatzen jarri ginen, eta bururatu zitzaigun ortuan ekoizten dugun generoa beraiei ematea”, dio Arratek.
Elikagaien bankua Gurutze Gorriak kudeatzen duenez, haiei bideratu zieten baratzetik ateratzen zutena. “Elikagaien banaketetan batez ere kontserbak, pastak eta horrelakoak izaten dira, eta ez da genero freskorik izaten. Bertako arduradunek esan ziguten oso ongi zetorkiela gure barazkiak jasotzea, jendeak gauza freskoak asko eskertzen dituelako”. Herriko Ama Domingotarren elkarteak ere elikagaien banaketa egiten zuela jakinda, beraien bidez ere hasi ziren ortuko barazkiak banatzen. Bi elkarteei hamaika alditan egin dizkiete ekarpenak, aldi bakoitzean hamar kiloko saskiak helaraziz: guztira 110 bat kilo barazki fresko banatu dituzte, beraz.
Elkartasunerako lurra salgai
Arratek azaldu duenez, proiektuko kideen konpromiso maila handitu egin da egitasmo hau martxan jartzerakoan. Izan ere, lehenago nahiko modu librean aritzen ziren, baina orain ekoizten ez badute ezin diote elkarteekin hartutako konpromisoari aurre egin. Horregatik, astean bi aldiz behintzat elkartzen hasi dira landareak ereiteko eta landatzeko.
Jarduna handitzearekin batera, laneko erremintak eta bestelakoak gordetzeko leku beharrean ikusi dira taldeko kideak azken hilabeteotan, eta txabolatxo bat eraikitzeko lanean dabiltza orain: aldapan zegoen oinarria leundu zuten auzolanean lehenik, eta orain Udalak zementua bota du. Txabola eraikitzeko diru bilketa kanpaina abiatu dute. Horretarako, auzolanetan atera duten lurra 20 kiloko zakuetan jarri dute salgai: elkartasunerako lurra, kanpainan diotenez eta argazkian ikus daitekeenez.
Martxoak 3ko sarraskiaren 49. urteurrena beteko da astelehenean. Grebetan eta asanblada irekietan oinarritutako hilabetetako borroka gero eta eraginkorragoa zenez, odoletan itotzea erabaki zuten garaiko botereek, Trantsizioaren hastapenetan. Martxoak 3 elkartea orduan... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
Espainiako Estatuko zentral nuklearrak itxi ez daitezen aktoreen presioak gora jarraitzen du. Otsailaren 12an Espainiako Kongresuak itxi beharreko zentral nuklearrak ez ixteko eskatu zion Espainiako Gobernuari, eta orain berdin egin dute Endesak eta Iberdrolak.
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.
.JPG)
ERREALITATEAREN HARRIBITXIAK
Nork: Josu Iriarte, Nerea Lizarralde, Jare Torralba eta Amets Larralde. Mikel Martinezek zuzenduta eta Jokin Oregiren testuetatik abiatuta.
Noiz: otsailaren 21ean.
Non: Bilboko 7katu... [+]
15 urteko emakume bati egin dio eraso Izarra klubean jarduten zuen pilota entrenatzaile batek.
Nafarroako Gobernuak ofizialki aitortu ditu gure lurraldean giza eskubideen urraketa larriak jasan zituzten Estatuaren indarkeriaren beste zazpi biktima. Horien artean, hitzez hitz “motibazio politikoko biktima gisa” aitortzen ditu Patxi Erdozain, Eneko Compains,... [+]
Donostiako alkate ohiak webgune bat sortu du, eta plataformarekin bat egiteko eskatu die herritarrei.
PuntuEus-ek doako tresna erabilgarri bat jarri du edonoren eskura, webguneen segurtasuna erraz ebaluatzeko. Webtest.eus izeneko autoebaluazio-tresna honi esker, erabiltzaileek beren webgunearen segurtasun-maila modu sinple eta argian azter dezakete.
"Historikotzat" jo du otsailaren 27an plazaraturiko epaia Lurraren Altxamenduak sare ekologista antikapitalistak. Bere aldetik, epaiaren "krudelkeria" salatu eta helegitea jarriko duela jakitera eman du Frantziako Estatuak. Duela hogei urte baino gehiago jarri... [+]
Elkarteko Elena Avalosek salatu du aulki gurpildunarekin komunera sartzea oztopatzea, pertsona desgaituen eskubideen, autonomiaren eta duintasunaren kontra doala.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.