ELBko laborariek Baionako portua blokeatu dute
Aste osoan Frantziako Estatuko laborariak egiten ari diren mobilizazioen testuinguruan egin dute ekintza, merkatu librearen baldintzek Ipar Euskal Herriko laborariei duin bizitzeko ezartzen dizkieten zailtasunak salatzeko. 6:00etatik ari dira blokeatzen Baionako portua.
“Laborariak Baionako portua blokatzen ari dira, merkatu libreak eragiten duen lehia desleialaren salatzeko! Nazioarteko akordioek laborariak prekarizatzen dituzte!”. Hori da Baionako portuaren blokeoa aurrera daramaten ELBko nekazariek sare sozialetan zabaldu duten mezua. Baionako beste hiru industriagunetan ere mobilizazioak bideratzen ari dira sindikatuko hainbat talde.
Azken egunotan, estatu mailako FDSEA eta Jeunes Agriculteurs (Nekazari gazteak) sindikatuetako nekazariek Frantziako Estatuko hainbat autobide eta errepide moztu dituzte, eta laborarien arazoak lehen lerrora atera dira. Ipar Euskal Herrian ere A-63ko autobideko hainbat gunetara eraman dituzte protestak eta, ondorioz, azken egunetan hilera handiak sortu dituzte.
Egoera konplexuaren analisi desberdinak dituzte nekazari munduko hainbat sektorek, eta FDSEA eta Nekazari Gazteen sindikatuek, adibidez, Europar Batasunetik “inposatzen zaizkien” arau gero eta zorrotzagoak salatzen dituzte. Ustiaketa handiak oinarri dituen nekazaritza eredua da sindikatu horien zutabeetakoa eta hiru aldarrikapen nagusiren bueltan ari antolatzen beren mobilizazioa: “laborarien duintasuna berreskuratu, bizitza duina bideratzeko errenta berreskuratu eta gehiegizko arauen arintzea”.
Frantziako sindikatu txiki ugari biltzen dituen –tartean ELB, Euskal Laborarien Batasuna– Confederation Paysanne sindikatuak oso bestelako ikuspegia du arazoei buruz, baina bat egin du protestekin “laborari ororendako lansari duina eta merkataritza-librearekin hausteko" eskatuta.
ELBren ustez, idortea dela eta, espekulazioa, eritasunak... "laborariak ez dira sekulan krisiez babesturik. Baina ez dira
krisiak bakarrik, sistema osoak ditu etxaldeak ahultzen! Orain duela 70 urte plantan ezarri ziren logikekin hausteko tenorea da. Dinamika horiekin gure etxaldeak enpresekin ordezkatu nahi dituzte, gure jakintzak prozedurekin, eta laborariak teknologia berriekin".
Confederation Paysannerekin bat eginda bi aldarrikapen nagusi plazaratzen dituzte ELBtik. Bat, lege bat laborantza produktuak ekoizpen kostuen azpitik saltzea debekatzeko. Eta bi, Europar Batasuneko Mercosur merkataritza-askatasun akordioa bertan behera uztea, "negoziaketan diren nazioarteko akordioei buruzko moratoria bat eta indarrean diren akordioen berrikuspen
bat merkatu-libreko politika horrek sortzen duen lehia desleiala aztertzeko".
FDSEA eta Nekazari Gazteek jakinarazi dutenez, 14:00etatik aurrera Paris inguruetan bost hesi eraikiko dituzte protesta estatuko hiriburura eramateko. Oraingoz Frantziako Gobernua tentuz ari da protestarekiko eta, oro har, ez die erantzun protestei segurtasun indarren bidez.
.jpg)
.jpg)
Irulegiko Irratiak sare sozialetan zabaldutako bideoan ikus liteke laborariak portura sartzen ari diren unea:
ELB ko laborariek Baionako portua blokatzen dute! A63 eta A64 autobideak mozturik segitzen dute FDSEA ko laborarien ganik. pic.twitter.com/EuZ5kcnVaL
— Irulegiko Irratia (@irulegi_irratia) January 26, 2024
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Euskal Sagardoa Jatorri Deiturak erronka ezarria dio bere buruari: Euskal Herri osoko sagar eta sagardogileak biltzea. “Sagardoaren kultura lurralde osoan dago, eta lurralde osoan mantendu dira sagardotarako sagarrak”, esan digu Unai Agirrek, sor-markaren... [+]
“Aterako dut sagar zuku bat?”. Galdera horrekin hasi da Barrundiako Ekonomatoko kide Koldo Lopez Borobia, Susana Lopez de Ullibarri eta Santi Txintxurretarekin izandako elkarrizketa. Sagar zukuaren bueltan eta sagarrondoz inguratutako lorategian elkartu gara. Hau ez... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
Ostegun arratsean abiatu da Lurrama, Bidarteko Estian egin den mahai-inguru batekin. Bertan, Korsika eta Euskal Herriaren bilakaera instituzionala jorratu dute. Besteak beste, Peio Dufau diputatua eta Jean René Etxegarai, Euskal Hirigune Elkargoko lehendakaria, bertan... [+]