ELAk salatu du Hego Euskal Herrian gutxienez 80.000 etxe hutsik daudela
Performace-en bidez egin dute protesta. Bilboko Unamuno plazan salatu dute 8.000 etxe hutsik daudela eta 350 pertsonak kalean egiten dutela lo; Iruñeko Sarasate pasealekuan, berriz, gogorarazi dute Nafarroan gutxienez 25.000 etxebizitza daudela hutsik.
ELA sindikatuak eskakizun zehatzak egin ditu etxebizitzen auziari irtenbidea emateko: legez bermatzea etxebizitzarako eskubide subjektiboa, alokairua sustatzea salerosketa ereduaren aurrean, alokairuaren prezioak mugatzea, hutsik dauden etxebizitzak alokairura bideratzera behartzea, etxegabetzeak geldiaraztea, turismo etxebizitzak mugatzea eta kontrolatzea, eta etxebizitzako gastu publikoa BPGaren %2ra igotzea. Horixe da astelehenean Iruñeko Parlamentuaren aurrean egin duten protestan galdegindakoa.
Performance-en bidez, Bilbon eta Iruñean egin dituzte protestak. Iruñeko Sarasate pasealekuan kanpamendu bat irudikatu dute, etxerik ez duten pertsonen egoera erakusteko. Sindikatuak gogorarazi du Nafarroan gutxienez 25.000 etxebizitza huts daudela, eta urtean gutxienez 350 etxegabetze egiten dituztela. Ohartarazi dute etxebizitza ez dela eskubidetzat hartzen, baizik eta negoziorako baliatzen dela: Iruñean alokairua batez beste 1.000 kostatzen da, eta salgai dauden etxeen prezioa 1.500 eurotik gorakoa da metro koadroko, ELAk egindako azterketaren arabera.
Bilbon ere antzerki bidez aldarrikatu dute etxebizitza eskubidea. Aitor Murgia ELAko Azterketa Bulegoko kideak jakinarazi duenez, Hego Euskal Herrian gutxienez 80.000 etxebizitza huts daude, eta urtean gutxienez 1.000 etxegabetze egiten dituzte. Soluzioa eskatu dute Bilboko etxebizitzen “egoera larriaren aurrean”. Sindikatuak salatu du gutxienez 8.000 etxebizitza hutsik daudela hirian, eta aldi berean 350 pertsonak kalean pasatzen dutela gaua. Espekulazioa eta turistifikazioa gaitzetsi dituzte, eta instituzioei politikak aldatzeko eskatu.
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.