El Corte Inglesen ordainketak filtratu ditu Anonymousek
El Corte Inglesen finantza datuak argitaratu ditu Anonymousek, Filtrala webgunearen bidez. 2011-2016 urte bitartean enpresa espainiarraren ordainketak biltzen dituzten dokumentuak eskuratu ditu talde aktibistak, eta lau haizetara zabaltzea erabaki du. Urte horietan, bereziki, kirol mundua, erlijioa, komunikabideak eta ekimen bereziak zituen jomugan El Corte Inglesek.
Kazetariei eginiko ordainketak
Enpresa espainiarrak komunikabideei eginiko ekarpen ekonomikoak publizitate gastuetatik harago doaz. Hedabide edota kazetarien elkarteak ez ezik, zenbait kazetari ezagunen izenak ere ageri dira dokumentu horietan. Tartean daude La Voz de Galiciako kolaboratzaile Fernando Onega (294.000 euro; 6.000 hilean) eta ABCko iritzi zuzendari Jaime Gonzalez (55.400 euro).
Aipatzekoa da, bestalde, erlijio eta kirol mundura bideraturiko dirua. El Corte Inglesek 20 milioi eurotik gorako ekarpena egin zuen kirol ekimenetan. Erlijioari dagokionez, besteak beste, 8 milioi euro bideratu zuen Munduko Gazteen Jardunaldira –2011. urtean Madrilen ospaturiko ekimen erlijiosora–.
Kontuak urteka:
Birgizarteratze programen atzean ezkutatuta, enpresa asko aberasten ari dira Espainiako Estatuko espetxeetako presoen esku-lan merkeari esker. Soldata ezdeusak kobratuta eta lan-eskubiderik gabe, 12.000 preso inguruk egiten dute lan Santander bankua bezalako enpresa handientzat.