El basko da asko
Urtebete izanen da, agian gehiago, ez aspaldi nolanahi ere, prentsan, geltokietan eta berriztatze lanetan ziren eraikin handietan (ikusgarria izan zen), esne txarrarena oinarri hartuta Kaiku markak euskara erdararen zerbitzuko ipini zuela (ezer berririk ez). Era zabar samarrean egin baitzuen euskararekikoa (elebitasun morroitua), zer esanik eman zuen bazterretan (publizitate efikaza beraz), harako "esne txarra" eta "ni kaiku naiz" ezin adierazgarriago batzuk bitarteko.
Kantauriko Perlan.
Bere buruari Euskararen Hiria esaten dion horretan.
Oraingo kanpaina ikusgarrienak bi hilabete iraun duen ez dakit, agian bi aste baino ez dira izan, baina bai handi, ikusgarri, mugikor, egun eta ilun, goiz eguerdi arratsalde hiri barnean eta perimetroan, esnea ez baina fruta oinarri harturik…
El euskera es la pera.
Euskararen Hiria omen den hiri honen udalak kudeatua eta ordaindua.
Bestelako modua eta sentikortasuna ekarri behar omen zuen udal gobernua daukan horretan.
Barne egituraketan, Euskararen Patronatua Euskara Zerbitzuan integratzea izan zen udal gobernu berriak, Bilduk, hartu zuen aurreneko erabakietarik bat. Ez dakit honek loturarik daukan euskarari egindako irainarekin, baina Euskararen Patronatuak izan du bere ibilbidean aski burujabetasuna horrelako zabarkerietara ez makurtzeko. Oraingo hau, hain zuzen, Euskara Zerbitzuak sinatua dator.
Euskaltegietako matrikulazioa sustatzearren erakutsi digute madari madarikatu hori.
Euskara ez da euskera, euskera ez da euskara, euskara ez da gaztelaniaren errima premien funtzioan alda litekeen (oker nago, ze horixe bera egin baitute)…
Euskarak ez luke behar gaztelaniaren harietarik mugitzeko txotxongiloa.
Gure hizkuntza ez da izugarria edo polita edo txoratzekoa edo pera horrekin adierazi nahi den ezein perla. Gure hizkuntza arazoak sortzen dituen tresna delikatua da (ikastoletako patioetan edo atarietan froga litekeen bezala), bizi osorako konpromisoa eskatzen duen ezkontidea, norberak kultura apur bat ez hartzera erraz samar gal genezakeen ondasuna, atertu gabeko jazarpena pairatuko duena gerora ere…
Egin koxk euskarari!
Horixe izan zen, bere bustidura txatxua eta guzti, el euskera es la peraren… Jatorria? Iturburua? Hago horretan! Bertsioa, zer besterik. Euskarak ez dauka sormenik, sormena gaztelaniarena da. Euskararen erabilera, elebitasunean, gaztelaniaren funtzioan dago. Euskararen sustapenaren mundu ekonomikoa gaztelaniaren esku dago.
El euskera es la pera esan digunaren aurpegia, nola ez, Arzak izan da, beren euskara galtzera eta zarpailtzera utzi duten edo sekula ikasiko edo kontuan hartuko ez duten eliteko sukaldari jator, hidrogenoaren eta gaztelaniazko diminutiboen lagunen kofradiako ordezkari gorena…
Barre egiten digute aurpegira.
Gaitz honek ez dauka erremediorik.
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Abenduaren 3an alderdi eta eragile politikoek euskararen inguruko beren irakurketa politikoak argitaratzen dituzte. EAJk ere egin du berea Euskara, Euskal Herriaren izana izenburupean. Urte askoan Araba, Bizkaia eta Gipuzkoako hizkuntza politiken ardura izan duen, eta egun ere... [+]
Gai tabu gisa marrazten da Euskal Herrian, baina munduan barna ez da horrela. Hizkuntz politikak ezin dira merkatu librearen logikan ipini, baizik eta kuotak edo kupoak ezarri behar dira. Beharrezkoak dira. Eta beharrezkoak dira daudenak betetzea, ez baititu inork betearazten.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.
Hamabi irakaslek 2.040 idazlan zuzendu eta 680 ikasleren ahozko probak egingo dituzte 18 egunetan, “kontuan hartu gabe idazlan bakoitza bi irakaslek zuzentzea litzatekeela gure helburu ideala, bigarren iritzi bat izateko”. Jaume Gelabert Iruñeko Hizkuntza... [+]
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]