Ezinbestekoak diren ura eta argia merkatuan erosi behar izatea. Non bizi edukitzeko banketxearekin betirako ezkontzea edo espekulatzaile bati hilabetero kasu egitea. Eskualde arteko garraio publikoa ziurtatzeko behar den dirua AHTra bideratzeagatik lanerako kotxea hartzea. Seme alabak antzerkira eramateko etxean plangintza ekonomiko bat egin behar izatea. Laburbilduz, bizitzeko merkatura jo behar izatea.
Inflazioa zer den ikasi behar izan dugun honetan, ongi dago gobernuei gogoraraztea ez garela langileak izan gure eros ahalmenaren menpe bizitzea erabaki dugunak. Ez dugula guk erabaki merkatua izatea gure herrietako ekonomia zuzentzen duena, eta erabaki ekonomikoak esku pribatuetan utzi ditugunak. Ongi dago gogoraraztea gure gainetik pasa direla, interes partikularrak gailentzen dituen sistema ekonomikoa ezartzeko. Eta hala bada, iraingarria da soldatak eguneratzea exijitzean egoera ekonomikoari begiratzea eta ulerkorrak izatea eskatzea. Norberaren ardurei iskin egiteko eskapismo politikoa berriro ere.
Pobreziaren arriskua nabarmen igo zen 2021ean, baita soldatapekoen artean ere. Baldintza hauetan, bizitzaren garestitzeari aurre egiteko soldatak defendatzeko greba egitea eta zerbitzu publikoak exijitzeko kalera ateratzea arduraz jokatzea da, ez besterik. Baina egoerari buelta ematea ez dago gure esku. Merkatuari mugak jartzea eta enpresei aski da esatea, hori da gobernuei exijitzen dieguna. Asko da agian, baina ezin gutxiago eskatu. Funtsezkoa eta ezinbestekoa da pobreziari aurre egiteko, kito.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]