Ekonomia arazoengatik, Paris 365 jantoki solidarioa ixteko arriskuan dago
Urtarrila baino lehen 100.000 euro lortzen ez badituzte, otsailetik aurrera jantokia ixteko arriskuan legoke. Jendarteari eta Nafarroako erakundeei laguntza eskatuz, SOS Paris 365 kanpaina abiatu dute
Gizakia Herritar /Paris 365 fundazioak SOS deia zabaldu du gaur goizean (abenbuak 12) egin duen prentsaurrekoan. Ekonomiari dagokionez “larri” daudela adierazi dute fundazioaren ordezkariek eta, epe laburrean aparteko diru sarrerarik ez badute lortzen, Paris 365 jantoki soziala ixteko arriskuan dagoela azpimarratu dute. Patxi Lasa presidenteak azaldu duenez, fundazioak 67.000 euroko defizita metatua zuen irail hondarrerako. Zergatik? Alde batetik finantza erakundeen fundazioetatik eta instituzioetatik jasotzen zituzten diru sarrerak izoztu edo murriztu egin direlako eta, bertzalde, enpresa eta partikularren donazioen beherakadagatik. Hori dela eta, SOS Paris 365 izeneko kanpaina abian jarri dute.
Fundazioak 100.000 euro behar ditu urtarrila baino lehen gaur egun dituen Elikadura Baliabideak (jantoki solidarioa, oinarrizko saskia eta zopa beroa) salbatzeko eta, bidenabar, diru-gordekin bat sortzeko: Gainerakoan, astero 600 pertsona jasotzen dituen jantokia (horietatik 240 adingabeak) itxi egin beharko dute otsailetik aurrera.
Lehentasuntzat hartu dute elikadura baliabideak –jantokia, despentsa eta zopa beroa– mantentzea, eta horretarako, neurri batzuk hartu dituzte dagoeneko. Zuzendaritza eta administrazio pertsonala murriztu dute; Catering Paris 365 itxi egin dute eta jantokiko sukaldean kozinatzen hasi dira; Garabato izeneko ikasketa komunitateak apirilerako bere aurrekontua betetzen ez badu, ixteko aukera mahaigaineratu dute, eta gradualki itxiko dute etxebizitzen zerbitzua ere.
Aurten, gainera, hamar urte beteko ditu fundazioak, eta, nabarmendu dutenez, hamar urteren ostean, eskaintzen dituen zerbitzuak guztiz premiazkoak izaten segitzen dute: “Hasieran behar bat zegoen, gaur egun bada, eta aurrera begira ere beharrak hor segituko duela uste dugu”, adierazi du Sofia Anton elikadura baliabideen arduradunak. «Azken hilabeteotan eskaria handitu egin da» gaineratu du. Eskaria handitzearen arrazoiak hainbat dira; batetik neguan handitu egiten delako generalean, Iruñeko auzoetatik eta zerbitzu sozialetatik ere jasotzen dituztelako prekarietatean dauden pertsonak, eta gero eta gehiago direlako etxebizitza bat izateko arazoa duten pertsonak. Hortaz, oinarrizko beharrizan horiei erantzuna emateko premia dutela azpimarratu du.
Ziurtatu dute beren asmoa dela bertze aukera bat topatzea baliabiderik gabe geldituko diren pertsonentzat eta, era berean, saiatuko direla bertze entitate batzuek segida eman diezaiotela orain behin-behineko etxebizitza emateko dituzten baliabideei. Egoera horren aitzinean, laguntza eskatu diote jendarteari eta administrazioari, eta honako banku kontu hauek eman dituzte, nahi duen orok bere aportazioa egiteko:
Rural Kutxa: ES51 3008 0073 1519 0772 3629
La Caixa: ES45 2100 2173 8002 0043 4503
Laboral Kutxa: ES79 3035 0039 3203 9005 0715
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Europako Funts Sozialen ataletik Elikagaien Bankuetara bideratzen zuten urtero dirua eurek bidera zezaten janaria behar gehien duten herritarren artean. Aldaketa iritsi da kudeaketara orain: adin txikikoak dituzten familiei diru-txartelak emanen dizkiete produktuak erosteko. 130... [+]
EAEko haurren %6,4ak eta Nafarroakoen %10,2ak ikusmen pobrezia du. Visión y Vida elkarte espaniarrak egin du estatuko azterketa. Txostenaren arabera, ikusteko arazoak dituzten haurren eragozpen larriena da ez duela minik egiten, eta familiek, baliabide ekonomikorik ez... [+]
Oxfam Intermon-en txostenak ohartarazi du planetak dituen erronka handienei, hala nola krisi klimatikoari, eta pobrezia eta desberdinkeria iraunkorrari aurre egiteko ahalegin globalak mehatxupean daudela. “Boterea ultraaberatsen eta megaenpresen eskuetan pilatzen ari... [+]
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.