Ekologistak Martxanek ohartarazi du Nafarroako biztanleriaren erdiak “aire kutsatua” arnastu zuela 2019an
Nafarroako lurralde osoan Osasunaren Mundu Erakundearen gomendioak gainditzen dituen kutsadura-maila erregistratu dela bildu du taldeak 2019ko aire kalitateari buruzko txostenean.
Ekologistak Martxan taldeak adierazi duenez, "Nafarroako biztanleriaren erdiak kutsatutako airea arnastu zuen iaz", eta Nafarroa osoak "basoak eta laboreak kaltetzen dituen kutsadura jasan zuen".
Hala jasotzen du erakundeak 2019ko aire kutsatuaren kalitateari buruzko urteko txostenean, non ondorioztatzen duen "populazioaren erdia eta Nafarroako lurralde osoa egon zirela Osasunaren Mundu Erakundearen gomendioak gainditzen dituen kutsadura-mailaren eraginpean".
"Urte epel batean eta udazken lehorrera arte, otsailean, ekainean eta uztailean hainbat gertaera meteorologikok partikulak eta ozonoa jaurti zituzten", adierazi du Ekologistak Martxan taldeak ohar baten bidez.
Txostenaren arabera, 2019an zehar "atmosferaren kutsadura egonkor mantendu da, nitrogeno dioxidoaren (NO2) mailak oro har murriztuta, baina partikulen dioxidoa (PM10 eta PM2,5) igota; ozono troposferikoaren kontzentrazioak, berriz, nabarmen igo dira".
"Iruñeko hiritik sortutako kutsadura, autobide eta autobiak, Castejongo ziklo konbinatuko zentral termikoak eta industria instalazio jakin batzuk lurraldean zehar hedatzen dira, zonalde urrunagoei eta landa eremuei eraginez ozono troposferiko eran", adierazi du Ekologistak Martxan taldeak.
Txostenak erreferentzia gisa hartzen ditu "Osasunaren Mundu Erakundeak (OME) gomendatutako gehienezko kutsadura balioak eta Europako Batasunak ezarritako landaredia babesteko epe luzerako helburua". Maila horien arabera, "kutsatutako aireak biztanleriaren erdiari eragin zion 2019an, eta ia Nafarroa osoari".
Araudiaren estandarrak hartuz gero, "OMEren gomendioak baino laxoagoak, ez legoke legez baimendutakoak gainditzen dituzten kutsadura mailen eraginpean dagoen populaziorik edo azalerarik". Hala ere, "landaredia babesteko legezko helburua gainditu zen Funesko eta Tuterako estazioetan, Erribera aldean, ozono kutsatzaileari dagokionez", adierazi du erakundeak.
------------------------
Oharra: EAEri buruzkoak txostenaren 118. orrialdean jaso dituzte. "Kutsadura-foku handienak Nerbioi behea, zenbait indrustria-gune eta zentral energetikoak, eta hiriburuetako errepide-sareak direla azaldu du erakunde ekologistak. Nazioarteko Osasun Erakundearen gomendioei jarraituta, Araba, Bizkaia eta Gipuzkoako herritarren %80ak (1,8 milioi pertsonak) osasunarentzat kaltegarria den airea arnastu zuen.
Astelehenean egindako inspekzioaren ostean hartu da erabakia, azken asteetan izan diren istripuen harira.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]
Anerreka Ingurumen Elkarteak Jaurlaritzako Ingurumena sailari eskatu dio Donostiako erraustegiak orain arte airera isuri dituen gai kutsakorren kopuruari buruzko datuak eman diezazkiola eta orain arte ez du inolako erantzunik jaso. Erraustegiak Ingurumen Baimen Bateratua... [+]
Gasoilezko motorren kutsaketak faltsutzen zituztela-eta, duela bost urte Dieselgate delakoak astindu baldin bazuen autogintzako industria, eskandalu berri bat egon daiteke lehertzeko zorian egunotan, Hybridgate deitu beharko genukeena: Transport & Environnement GKEak... [+]
COVID-19aren pandemiaren ondorioz hartutako neurri zorrotzenen artean, herritarrak etxeetan konfinatzea erabaki dute munduko gobernu askok, eta horrek nabarmen eragin du ingurumenean: %17 jaitsi dira mundu osoko CO2 isurketak, eta urte amaierarako %4 eta %7 artean mantentzea... [+]
Koronabirusari aurre egiteko itxialdiek NO2 mailak izugarri jaitsi dituzte munduko hainbat tokitan; baina pandemiak badu txanponaren beste alde bat, eta AEBak dira horren erakusgarri: Trumpek bertan behera utzi ditu ingurumena babesteko neurri ugari, krisi ekonomikoaren lehen... [+]
Eguraldi lehor eta beroa medio airearen kutsadurak gora egin zuen otsailaren 3, besteak beste, Donostian eta Tolosan; «gure egunerokoak kutsakorrak direla» hausnartu beharraz hitz egin du Eguzkik Talde Ekologistak.
Ekologistak Martxan taldeak argitaratu duen txosten batek azaldu du EAEn eta Nafarroan lau herritarretik hiruk arnasten dutela aire kutsatua.
ToxicoWatch fundazioak eta Eusko Jaurlaritzak akreditatutako Euskal Herriko enpresa bat arduratuko dira Gipuzkoako erraustegiaren inguruetan kutsadura neurketak egiteaz. Astearte goizean prentsaren aurrean hartu dituzte Zubietako oilategi batean azpiegitura erretzailea piztu... [+]
Ekologistak Martxanek jakinarazi duenez, EAEko milioi eta erdi pertsonak aire kutsatua arnastu dute 2018an: biztanleriaren %70ak, lurraldearen %47an. Nafarroari dagokionez, lurraldearen bi heren ari dira kutsadura maila altua jasaten.
Duela bi aste Pasaiako Portuan agintari nagusiei errautsak bota zizkien laguna defendatu dute, errauts hori herritarrek egunero irensten duten zati “nimiño” bat dela esanaz. Larunbatean elkarretaratzea egin zuten Lezoko udaletxearen aurrean, eta sinadura... [+]