Ekoizpen kostuak eta elikagaien balioa haurrekin lantzeko material didaktikoa
Gipuzkoako Biolur elkarteak iaz aurkeztu zuen Duina ikerketa proiektuaren txostena. Baratzegintza ekologikoko esperientzia desberdinen diagnostikoa egin zuten bertan, hainbat alor kontuan hartuta: ekonomikoa, ingurumenekoa, bizi baldintzena, zaintzena eta beste. Denbora eta datu ekonomikoak jaso zituzten ikerketan, elikagai ekologikoen ekoizpen kostuak eta prezioen arteko alderaketak eginda. Ikerketa jendarteratzeko, baina, hainbat bide jorratzen ari dira: martxoan, esaterako, Ekoizpen Duina Kontsumo Herrikoia sukaldaritza saioa egin zuten. Ikasturtea hasi berri den honetan, gaia haurrekin lantzeko beste proposamen interesgarri bat dute esku artean: eskola komunitaterako Sukaldean Kontu Kontari material didaktikoa.
Hamabi labore landu zituzten Duina proiektuan, horien ekoizpen kostua eta duinak izango liratekeen prezioak aztertuta. Labore horiek oinarri hartuta osatu dute material zabalgarria, Irrimarrak egindako ilustrazio koloretsuz lagunduta. “Osagai eta plater bakoitzaren prestaketak zenbat balio duen kalkulatzeko ariketak aurkituko ditugu, elikadura eta bizitza duinagoak garatzen lagunduz”, diote webgunean materialaz. Biolur elkarteko Maider Zubikarai Beristainek azaldu duenez, batik bat 7 eta 12 urte arteko haurrei zuzenduta dago, Lehen Hezkuntzako lehen, bigarren eta hirugarren mailako ikasleei.
“Ariketa matematikoez gain, laboreak garaika daude antolatuta, eta bakoitzarekin errezeta bat planteatzen da. Beraz, matematika, ingurumena, elikadura eta beste gai asko lantzeko joko asko ematen du materialak”, adierazi du Zubikaraik. Izan ere, elikagaien balioa haurrekin lantzeari, orokorrean, garrantzia gutxi ematen zaiola sumatzen dute taldean. “Deskonexioa dago horren inguruan. Garrantzitsua da umeekin elikagaien balioaz eta kostuaz hitz egitea, gaiari lehentasuna ematea”, gehitu du Mirene Begiristain Zubillaga taldekideak. Are gehiago, kontuan izanda azken 30 urteotan familiako gastuetan erdira jaitsi dela elikadurarena.
Bergarako San Martin eskolan, lehen proba
Materialaren aurkezpena Bergarako San Martin eskolan egin zuten iazko abenduan, Ereindajan proiektuarekin eta bertako guraso elkartearekin elkarlanean. “Harrera oso ona izan zuen materialak, dinamizaziorako inplikazioa ere handia izan zelako”, diote bultzatzaileek. Tokiko aliantzekin elkarlanean, materiala herri eta eskola gehiagotara zabaltzeko helburua dute orain. “Eskolentzat ez ezik, guraso elkarteentzat, familientzat eta hezkuntza mailako eragileentzat da interesgarria materiala, eta zabaltzea nahiko genuke”.
Zazpi euroan eskura daiteke materiala –bost euroan Biolurreko kideentzat–, elkartearekin harremanetan jarriz. Biolur.eus webgunean topatuko du informazio guztia interesa duenak.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]