Ekofeminismo topaketak egin dituzte larunbatean Maeztun
50 inguru herritarrek egun osoko jardunaldia egin dute azaroaren 9an Maeztun, EHn ekofeminismoak gorpuzten lelopean. Goizean Euskal Herriko ekofeminismoak nolakoak diren deskribatzeko hainbat dinamika egin dituzte. Elkarrekin bazkaldu eta kantatu dute eguerdian, eta arratsaldean estrategiak, eginkizunak eta laboreak mahai-gaineratu dituzte. Euskal Feministak Lurraren Defentsan sareak deitu duen hitzorduaren berri ere eman dute.
Feministok lurraren defentsan blogak egin du egunaren kronika eta bertatik hartua da jarraian irakurriko duzun laburpena.
Maeztuko zentro soziokulturalean elkartu dira goizean Euskal Herriko hainbat txokotatik bertaratutako 50 kide ekofeminista. Borobilean eseri eta erdigunea eduki sinbolikoz bete ostean, Mendialdeko Lamingorriek eman dizkiete etorri berriei Maeztu inguruari buruzko azalpenak, lurraldean kokatzeko.
Aurkezpenen ostean, hainbat dinamikaren bidez gaur egungo euskal ekofeminismoak deskribatu dituzte, besteak beste, galdera hauei erantzunez: "Zer borroketan gabiltza? Zein hutsune ditugu? Zein dira puntu beroak, konfliktoak, adostasun ezak? Zein dira elkarguneak eta aliantzak?".
Eguerdian, Arrazolako Amillena proiektu kooperatiboko kideek prestatutako bazkaria dastatu dute eta bazkalostea gitarraz eta kantu aldarrikatzailez girotu dute.
Arratsaldean, "ideien azoka" egin dute, aurrera begirako eginkizun, labore eta estrategiak bistaratzeko.
Eguna agurtzeko, Euskal Feministak Lurraren Defentsan sareak abenduaren 11n Altsasun elkartzeko egin duen deia zabaldu dute (sare honek harremanetarako helbide hau eman du: e.femilurra@ni.eus).
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]
Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]
Ekofeminismoak ekologismoa eta feminismoa artikulatzen dituen begirada eta borroka proposatzen ditu. Horrek irekiera interesgarria dakar, ekofeminismoaren garapenaren zati handi bat ardatz izan duena. Hala ere, irekitasun horrek erronkak eta konplexutasunak ere zabaltzen ditu,... [+]
Gaur egun, zaintza sistemen etenari buruz hitz egin dezakegu; izan ere, kontuan hartzen al dugu gaur egungo zaintza sistemako fluxu guztien Continuuma? Hau da, kontuan hartzen al da baliabide naturalen erabilera gobernatzen duten legeak, horiek sostengatzen dituzten... [+]
Zutabe hau esku askoren arteko ereitea da. Idatzi agroekologiko bat, ekofeminismoa sentipentsamendu feminista elikatzeko beste aukera bat bezala proposatzen duena. Uhin horrek lurren desjabetzea, naturaren suntsipena eta sexuen arteko harreman desberdintzailea lotu nahi ditu,... [+]
Sumendi gune okupatua. Gasteiz. 2023ko ekainaren 29an. 9:00ak dira eta lehenengo partaideak ailegatzen hasiak dira. UEUko kideak, antolatzaileak, eta gertuko laguntzaileak dagoeneko espazioa txukuntzen gabiltza. Berehala egiten dugu espazioa gure, edo espazioak gu bere; erraza... [+]