Ekitaldi ultraeskuindar bat egingo dute Donostiako Club Cantabrico elkarte baztertzailean
Alvaro Romero frankista, Jesus Longueira Espainiako Poliziako agente ultraeskuindarra eta Martin Saenz de Ynestrillas enpresari ultraeskuindarra Donostiako Club Cantabrico elkarte gastronomikoan egongo dira hilaren 23an, Longueirak idatzitako ETA, ni olvido ni perdón liburua aurkezten. SND argitaletxe ultraeskuindarrak argitaratu du liburua, eta, hain zuzen ere, editore lanak egin ditu Romerok. Ynestrillasek, aldiz, hitzaurrea idatzi du.
1891n sortutako Club Cantabrico elkartea Donostiako elkarte baztertzaileetako bat da, emakumeek ezin baitute bazkide izan, eta danborradan ez dute danborrik edo upelik jotzen; ateratzen diren emakume gutxiek beste rol batzuk hartzen dituzte –banderaduna, kantinera, eta halakoak–. Elkartearen webgunean oraindik ez dago iragarrita ekitaldi ultraeskuindarra, baina argitaletxeak berak iragarri du dagoeneko.
SNDk, gainera, gorroto mezuekin iragarri du ekitaldia. Argitaletxearen arabera, aurkezpena “aukera paregabea” izango da "talde hiltzailearen ia 1.000 hildakoei omenaldia egiteko, are gehiago gaur egun, garrantzirik gabeko gatazka gisa aurkeztu nahi dutenean”. Gainera, argitaletxe ultraeskuindarrak dio ekitaldia Donostian izateak “garrantzia bikoitza” duela, “talde terroristaren sorlekua delako”.
Martin Saenz de Ynestrillas, falangista
Falangista ezaguna da Martin Saenz de Ynestrillas, besteak beste, Falange Española alderdi ultraeskuindarraren eta ADÑ koalizio ultraeskuindarraren hautagaia izan baita. Sare Antifaxistaren arabera, 2007an eta 2008an ere Donostian egon zen Saenz de Ynestrillas, eta “erantzun antifaxista” izan zen hirian. Memoria Demokratikoaren Legearen aurka idatzi du hitzaurrea falangistak, lege horren, Espainiako Gobernuaren, EH Bilduren eta ERCren aurkako gorroto mezu ultraeskuindarrak zabalduz.
Romerori dagokionez, SND argitaletxeko editorea da, eta argitaletxe horrek argitaratutako liburuen zerrenda ikusi baino ez da egin behar, euren ildoa ikusteko. Frankismoa goraipatzen duten liburuak dira nagusi, besteak beste, Romerok berak koordinatutako Franco. Memoria imborrable (2021). ÑTV hedabide ultraeskuindarrean ere lan egiten du Romerok, eta, hain zuzen ere, berriki, Longueira elkarrizketatu du hedabide horretan. Club Cantabricon aurkeztuko duten liburuaren harira egin zuten elkarrizketa, eta, besteak beste, autoreak generalísimo deitu zion Francisco Franco diktadoreari, eta esan zuen EH Bilduko koordinatzaile nagusi Arnaldo Otegik espetxean jarraitu beharko lukeela.
Liburua Euskal Herriko gatazkako bake prozesuaren aurkakoa da, eta ultraeskuinaren kontakizun faltsua goraipatzea du helburu. Ildo horretatik, Romerok elkarrizketa horretan “Euskadiren eta Espainiaren arteko gerra” gisa definitu zuen gatazka, eta esan zuen “Euskadik irabazi” duela.
Ynestrillastarrak, sendi ultraeskuindarra
Ynestrillas historikoki Espainiako ultraeskuinarekin eta tradizio militarrarekin lotuta egon den abizen bat da. Martinen herenaitonak, Ramon Saenz de Inestrillasek, hirugarren karlistaldian borrokatu zuen, Carlos Borboikoaren alde. Ramonen seme eta Martinen birraitona Ricardo Saenz de Inestrillas y Pardo Espainiako armadako Infanteriako ofizial izan zen, eta haren seme Alfredo Saenz de Ynestrillas (Martinen aitona) falangista izan zen eta 36ko gerran borrokatu zuen, Francoren alde.
Alfredoren semea eta Martinen aita, Ricardo Saenz de Ynestrillas Martinez, Espainiako Legioan aritu zen, besteak beste, eta Espainiako Gobernuaren aurkako konspirazioan aritu zen hainbatetan. Hain zuzen ere, Operacion Galaxia estatu kolpe saiakeran parte hartu zuen 1978an, Antonio Tejerorekin batera. Gerora, Tejerok eman zuen 1981eko otsailaren 23ko estatu kolpea –otsailaren 23an egingo dute Club Cantabricoko liburu aurkezpena–. Besteak beste, Espainiako Gobernuko agintarien aurkako bonba bidezko eraso saiakera batean parte hartzea ere leporatu zioten 1985ean. Hurrengo urtean, 1986an, ETAk hil egin zuen.
Hiru seme izan zituen Ricardo Saenz de Ynestrillas Martinezek: Ricardo, Martin eta Jesus Saenz de Ynestrillas Perez. Ricardo ultraeskuindar ezaguna da, besteak beste, Alianza por la Unidad Nacional alderdia sortu zuelako, ezker abertzalearen aurkako hainbat ekintza paramilitarretan parte hartzeagatik epaitu eta absolbitu zutelako –besteak beste, Josu Muguruzaren erailketarengatik–, Gibraltarren bost eguneko kartzela zigorra ezarri ziotelako Morisco gazteluan Espainiako bandera jartzeagatik, eta, Espainiako Auzitegi Gorenak zazpi urteko espetxe zigorra ezarri ziolako, 1997an pertsona baten aurka tiro egiteagatik, pertsona horrek kokaina saldu nahi izan ez ziolako.
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Parisko Auzitegi Korrekzionalaren arabera, 2,9 milioi euro desbideratu zituen Frantziako RN Batasun Nazionalak 2004 eta 2016 artean. Le Penez gain, alderdiko beste 24 kide ere errudun jo dituzte. Helegitea aurkeztuta ere, RNko buruzagia ezingo da aurkeztu 2027ko Frantziako... [+]
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Errumaniako presidentetzarako kandidatu ohia Călin Georgescu, aurten berriro iragan behar diren hauteskundeetara erregistratzera zihoalarik, Poliziak atxilotu zuen otsailaren 26an. Egozten dizkioten krimenetarik bat “ordenu konstituzionalaren aurkako ekimenen... [+]
Martxoak 8an egindako pintaketak gainetik margotu dituzte ikur faxistekin Zuberoako hiriburuan. Horren aurrean elkarretaratzera deitu dute, astelehenean.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Ekitaldian, Mileik motozerra bat oparitu dio Muski, murrizketa sozialen sinbolo eta aldarri gisa.
Sozialdemokratek inoizko emaitzarik kaskarrenak lortu dituzten arren, litekeena da demokristau kontserbadoreekin elkartzea eta gobernua osatzea. Botoen %28,5 jaso ditu CDUk, eskuin muturreko AfDk %20,7 eta SPDk %16,4.
LGTBIQ+ banderaren itzalpean eta mezu eta doinu antifaxistez inguratuta jarri du karpa Voxek.