Ekairi babesa adierazteko elkarretaratze ugari egin dira Euskal Herrian
Asteburu osora zabaldu dira Ekai Lersundi bere buruaz beste egin zuen 16 urteko mutil transexuala oroitzeko ekitaldiak. Ondarroan, bere jaioterrian, larunbatean egin zuten. Iruñean eta Donostian igande eguerdian bildu ziren Transfobiak hiltzen gaitu lelopean. Gasteiz eta Bilboko bilkurak astelehen arratsaldean izango dira.
Jende andana bildu zen Ondarroako Musika plazan larunbat arratsaldean. Chrysallis EH Elkarteak deitu zuen elkarretaratzea. Ekai, maite zaitugu lelopean, hamabost minutuko isilunea egin zuten elkarretaratzean. Nerabearen senideek ere parte hartu dute, baita Ondarroako Udaleko ordezkariek ere. Hiru eguneko dolu eguna ezarri du Udalak.
 Twitter.png)
 Twitter(2).png)
 Twitter(3).png)
Antolatzaileek nahiz Ondarroako Udalak Ekairen “eguneroko borrokak” azpimarratu dituzte: erroldan izen aldaketa lortzeko prozesuan zegoen nerabea. Baita Gurutzetako ospitalean hormona tratamenduaren zain ere. Gainera, bere errealitatea azaltzeko asmoz, institutuan formakuntza saio bat egiteko eskaera egin zuen arren, ikastetxeak halakorik egin ez izana nabarmendu du Chrysallisek.
Elaxar Lersundik, Ekai Lersundiren aitak, mezu hunkigarri bat zabaldu du sare sozialetan. Semearen heriotza azkena izatea espero du eta eginiko bidea datozenentzat baliogarri izatea.
"Badakit zure joana ez dela alperrikakoa izango. Zu, Ekai, nire semea, azkena izatea espero dut."
Elaxar Lersundi (Ekairen aita)#transexualitatea #maitasuna pic.twitter.com/0wN7Hc9Jy5
— Chrysallis Euskal He (@ChrysallisEH) February 18, 2018
Hiriburuetatik babesa
Iruñean, Gasteizen nahiz Bilbon elkarretaratzeak antolatu dituzte Ekai oroitzeko.
Iruñean igande eguerdian egin dute elkarretaratzea. Kattalingorri elkarteak deituta, hamar minutuko isilunea egin dute bertaratutakoek; Ekai, Nafarroa zurekin. Navarra contigo zihoen pankartaren eta genero aniztasunaren aldeko banderen inguruan bilduta. Bertsoak, lore eskaintzak eta manifestu bat irakurriaz amaitu dute ekitaldia. Hainbat ordezkari politiko izan dira ekitaldian. Kattalingorri eta Transkolore elkarteek irakurri duten manifestu banatan adierazi dute ezbeharra bizitzea egokitu izana gizarte transfoboaren ondorioa dela.
Donostian ere igandean egin dute Ekairen senideei babesa adierazteko ekitaldia. Nerabe transexualaren hilketa gizarteak pairatzen duen transfobiaren ondorio dela nabarmendu dute eta heriotza jakin hau ez dela kasualitatea.
Gasteizen eta Bilbon astelehen iluntzean egingo dituzte elkarretaratzeak. Andra Mari zurian 20:00etan eta Arriaga Plazan 19:00etan, hurrenez hurren.
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
Gehiengo zabalarekin onartu dute. EAJ, PSE-EE, EH Bidu eta Elkarrekin Podemos-IU-k baiezkoa eman dute, eta PP aurka agertu da.“Hainbat hobekuntza” txertatuko dituzte Osakidetzan, hezkuntzan eta lan-arloan.
Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.
Trans pertsona arrazializatuek, trans pertsona arrazializatuentzat sortutako dantza da vogue-a. Interneten bideoak ikusita horren berri izan zuen Anouar Merabetek (Martil, Maroko, 1991), eta Euskal Herrian komunitaterik ez zegoenez, Parisera joan zen ikastera. Ostean, Kiki house... [+]
Ehundik gora lagun bertaratu ziren iragan larunbatean Laudioko Orbeko Etxean eginiko ‘Txao Titis, Titi gabe bada paradisua’ jaialdira. Ekimenaren helburu nagusia mastektomia egin nahi duen Laudioko pertsona trans bati ebakuntza hori egiteko dirua biltzen laguntzea... [+]
Tratu txarrak Osakidetzako langile batzuen eta Ertzaintzaren partetik pairatu dituela salatu du.
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.