Ekainetik aurrera Hego Euskal Herrian baja hartu ahal izango da hilekoagatik, abortuagatik eta haurdunaldiagatik
Europar Batasunean hilekoaren minaren ondoriozko baja aitortu duen lehen estatua da Espainiakoa. Abortuaren Legearen erreformak jaso ditu neurriok.
Ekainaren 1etik aurrera baja eskatu ahal izango da Hego Euskal Herrian hileko mingarriengatik, abortuagatik eta haurdunaldiagatik. Espainiako Diputatuen Kongresuak otsailean onartu zuen Abortuaren Legearen erreformak jaso ditu neurriok.
Hilekoaren minagatiko baja aitortzen duen Europar Batasuneko lehen estatua da Espainiakoa. Endometriosiak, miomek edo obario polikistikoek eragindako hileko mingarriak dituzten emakumeek hartu ahal izango dute baja, eta ez zaie aurretiazko kotizaziorik eskatuko. Neurriak ez dakar denbora zehaztapenik, medikuaren araberakoa izango da.
%100a ordainduko du Gizarte Segurantzak, lehen egunetik. Orain arte gaixo-baimena eska zitekeen arrazoi horiengatik, baina laugarren egunetik aurrera kobratzen zen (lan-hitzarmenaren arabera, betiere). Baja horrengatik kaleratuko balute langileren bat, enpresa kaleratzea bertan behera uztera behartuta egongo litzateke.
Abortuaren eta haurdunaldiaren bajak
Haurdunaldiaren kasuan, 39. astetik aurrera eskatu ahal izango da baja, eta horrek ez du eragingo amatasun bajaren hamasei asteetan. Lehen orotara hamasei aste har zitezkeen haurdunaldiagatik, erditu aurreko egunak ere kontuan hartuta. Kasu hauetan, aurretiazko kotizazioa eskatuko zaie 21 urtetik gorako langileei.
Abortatu duten emakumeei, berriz, ez zaie aurretiazko kotizaziorik eskatuko. Baja honek borondatezko zein gogoz kontrako haurdunaldi-eteteak barnebilduko ditu, osasun-sistema publikoan egindakoak. Abortatzeak eragin ditzakeen ondorio fisiko eta psikologikoez sendatzeko izango da. Bi kasu hauetan enpresak ordainduko du lehen baja-eguna, eta Gizarte Segurantzak hortik aurrerakoa.
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Krisi egoeran idatzitako gogoetak eta lagungarri egin zaizkion tresnak jasotzen ditu Iratxe Etxebarria kazetariaren 7.300 miligramo eszitalopram liburuak.
CCOOk egindako azterketa batek agerian utzi du hezkuntzan, industrian, ostalaritzan eta merkataritzan ordu estren kopurua nabarmen altua dela, eta enpresek urteko 3.254 milioi euro bereganatzen dituztela ordaindu gabeko ordu gehigarriengatik.
Sumarrek PSOEri ezarritako marra gorrietako bat horixe zen, lanaldia jaistea. Hala ere, laguntzak ematea ez zen hasierako asmoetan sartzen.
LAB sindikatuaren kontaketaren arabera, dagoeneko 36 dira aurten Euskal Herrian lan-istripuz hildako langileak.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]
Iparvending enpresak langile bat kaleratu zuela salatu zuen iraila amaieran ESK sindikatuak, eta kaleratzearen oinarrian enpresaren zein Ertzaintzaren “tratu iraingarria eta arrazista” zegoela. Kaleratutako langile Hamza Benzrira Gasteiztarrarekin hitz egin du... [+]
“Hodeia” izen etereoak ezkutatzen ditu ur eta energia kantitate handiak kontsumitzen dituzten zerbitzariz betetako pabiloiak. Bada, adimen artifizialak ere badu B aldea: Asia, Afrika eta Hego Amerikako milioika pertsonen lan esplotazioa. The Washington Posten... [+]