Ekainaren 4an agerraldi masibo batekin abiatuko dituzte Barbadoren eta Zelaiaren aldeko mobilizazioak
Prentsaurrekoa eskaini zuen atzo ANkerikeriari STOP plataformak, Galder Barbadoren eta Aitor Zelaiaren epaiaren aurrean jarritako ebazpenei Auzitegi Gorenak emandako erantzuna baloratzeko. Bi gazteei lau urteko zigor bana ezarri diete, eta hurrengo egunetan espetxeratuak izango direla ohartarazi du plataformak. Ekainaren 4an agerraldia masiboa deitu dute Amurrion, 11:00etan Zabaleko eskolako patioan.
Auzitegi Gorenak Aitor Zelaia eta Galder Barbado gazte arabarrei ezarritako lau urteko espetxe zigor bana berretsi ostean, prentsaurrekoa egin zuen atzo ANkerkeriari STOP plataformak, behin betiko sententzia eta bost urtez luzatu den ibilbide judiziala baloratzeko. "Gaueko ordu txikitan Ertzaintzak atxilotu eta lau urte baino gehiago luzatzen ari den ibilbide polizial eta judizial ankerraren nahigabeko protagonistak bilakatu dira Galder eta Aitor", adierazi zuten plataformatik, eta prozesuaren "krudelkeria eta anakronismoa" salatu zuten.
Auzitegi Goreneko epaileak apirilaren 26an batu ziren defentsak zein fiskaltzak Audientzia Nazionalaren epaiari jarritako helegiteen gaineko erabakia hartzeko, eta iragan ostegunean -maiatzak 25- egin zen publiko Madrilgo auzitegiaren erabakia; hau da, Audientzia Nazionalaren epaia berrestea lau urte espetxe zigor bana, urte beteko zaintzapeko askatasuna eta 10 urteko inhabilitazioa ezarriz bi gazteei.
Datozen egunetan espetxeratuak
Behin betiko sententzia mahai gainean, hau noiz betearaziko zain daude Barbado eta Zelaia. Audientzia Nazionalak "espetxeratzeko errekerimendua" abiatu behar du orain. "Errekerimendu hori, gainera, bat-bateko atxiloketa batekin lagunduta etorri daiteke. Egungo egoera, beraz, argia da: Hurrengo egun eta asteetan, atxiloketarekin edo gabe, Aitor eta Galder espetxeratuak izango dira", adierazi zuten atzo Ankerkeriari STOP plataformako bozeramaileek.
"Mina, amorrua, maitasuna eta elkartasuna"
"Minetik eta amorrutik, ulergaitza egiten zaigulako 2023. urtean horrelako eraso bati aurre egin behar izana. Euskal Herria aurrera doa, eskubide zibil eta politikoak urratu eta horrelako injustiziei aurre egiten kateatuta nahi gaituzten arren", nabarmendu zuen ANkerkeriari STOP plataformak atzo.
Era berean geroa "maitasunetik eta elkartasunetik" ere irakurri nahi dute Barbado eta Zelaiaren gertukoek: "Aitor eta Galder gure lagun, kide eta militante politikoak maite ditugu eta ez ditugu bakarrik utziko. Maite dugu herri honekin daukaten konpromisoa eta haiek milaka aldiz egin duten bezala, elkartasun uholde bat itzuli nahi diegu. Elkartasuna eta elkarrekiko babesa delako herri honek duen baliorik handiena eta horregatik izango gaituzue ondoan."
Euskal Herriak aurrera
Agerraldi masiboa egingo du ekainaren 4an Amurrioko Zabaleko Eskolako jolastokian, 11:00etan
"Euskal Herriak aurrera" lemapean, mobilizazioak eta elkartasun keinuak egiteko deia luzatu diete plataformako bozeramaileek Euskal Herri osoko norbanako eta eragile politiko, sindikal eta sozial desberdinei.
Bide horretan, igandean egingo dute bi gazte arabarren aldeko elkartasun mobilizazioen artean lehenengoa. ANkerkeriari STOP plataformak agerraldi masiboa egingo du ekainaren 4an, 11:00etan Amurrioko San Jose auzoko Zabaleko Eskolako jolastokian. Kasuak aurrera egin ahala mobilizazioe ta ekimen dinamikarekin jarraituko dute aurrera.
Bost urte eta zazpi hilabeteko espetxe zigorra eskatu du Carlos García Berro fiskalak Oihana Garmendia, Oihana San Vicente, Haimar Altuna, Felipe San Epifani Pipe, Kai Saez de Egilaz, eta Antton Lopez Ruizentzat, 2016 eta 2020 artean preso politikoei antolatutako... [+]
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]
Espainiako Auzitegi Gorenak berriz eserarazi nahi gintuen Auzitegi Nazionaleko aulkian, baina Auzitegi Konstituzionalak erabaki du guk asmo horren aurka jarri genuen babes helegitea onartzea. Erabaki horrek 2009ko urrian hasitako labirinto juridikoa itxi du eta, ia 15 urteko... [+]
Juan Carlos Campo epaileak dio non bis in idem printzipioa urratuko lukeela errepikapenak, berri agentziek aurreratu dutenaren arabera. Zirriborroa hurrengo asteko osoko bilkuran eztabaidatuko du Konstituzionalak, eta ‘gehiengo aurrerakoi’ari esker onartzea espero... [+]
2021eko apirilean atxilotu zituzten hamar lagun, eta deklaratzera deitu zituzten beste bi: "talde kriminal bateko kide izatea" leporatu zieten. Gehienen kontrako akusazioak bertan behera geratu baziren ere, aurrera jarraitu dute bi pertsonaren kontrako prozedurek. Hiru... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Irailaren 1ean izango da Legutioko Zentro Sozialistaren hustearekin lotutako lehen epaiketa. Fiskaltzak 13 hilabeteko espetxe zigorra eta guztira 3.600 euroko isunak eskatu ditu auzipetutako bi gazteentzat.
40 urtetik gorako espetxe-zigorrak eta 45.000 euroko zigor ekonomikoak eskatzen dituzte 'Leioako 5entzat'. 2016an Leioako campusean egindako ikasle mobilizazio baten harira auzipetu zituzten gazteak, eta berriz seinalatu dute EHUren erantzukizuna.
Epaiketa eta zigor bidez eskarmentatu nahi ditu Frantziako Gobernuak istiluetan atxilotutako pertsonak, 3.600 inguru. Prozesu judiziala azkartu eta “defentsarako eskubide eza” salatu dute abokatuek. Jada, 380 pertsona baino gehiagok jaso dute sententzia.