EITBko langileen hiru laurdenak uste du taldeak gobernuaren alde informatzen duela
EITBren erreformarako Gasteizko Legebiltzarrean sortutako lantaldeak EITBko langileen artean inkesta egin du. Berriak hainbat datu esanguratsu jakinarazi ditu, tartean politika informatiboari, barne demokraziari edo euskararen sustapenari dagozkionak.
EITB taldeak dituen mila inguru langileetatik 412k erantzun diote inkestari. Politika informatiboaren inguruan langileek duten iritzia da datu azpimarragarrienetakoa. Langileen %74,4k uste du taldeak ematen duen informazioa Eusko Jaurlaritzaren aldekoa dela; %16,1aren iritziz ez da horrela.
Barne antolaketa eta demokraziaren inguruko galderarik ere jasotzen du inkestak. Egun, EITBren zuzendaritza Gasteizko Legebiltzarrak aukeratzen du gehiengo osoz. Aldiz, inkestan parte hartu duten langileen gehiengoak bestelako eredu baten alde egiten du. %61,2k uste du “EITBko eta sektoreko profesionalek”, sindikatuek, alderdi politikoek eta jendarte zibileko mugimenduek osatutako gune batek aukeratu beharko lukeela zuzendaritza. Gaur egungo eredua mantentzearen alde %13,6 azaltzen da.
Euskararen inguruan
Inkestaren emaitzen arabera, EITB euskararen alde egiteko “tresna estrategikoa” da taldeko langileentzat. Oro har euskarazko eta gaztelerazko telebista kanal bana egoteari egoki deritzote langileak. Baina gaztelerazko ETB2-n euskarari presentzia handiagoa ematearen alde ere azaldu dira: gaztelerazko azpidatziez lagunduta euskara gehiagotan erabiltzea “oso ondo” legoke langileen %46aren arabera; “ondo” %27,2arentzat; “nahiko txarto” %13,8aren ustez; eta “oso txarto” %5,8aren iritziz. Beste galderetako bat ETB2-n eta Radio Euskadin euskaraz “osorik edo parte batean” liratekeen programak emateko aukeraren ingurukoa izan da. Langileen %35,4k “oso ondo” ikusiko luke; %26,2k “nahiko ondo”; %19,4k “nahiko txarto”; eta %10,4k “oso txarto”.
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.