EiTBko langile guztiei ez zaie euskara maila altua eskatuko, lanpostuaren araberakoa baizik
EiTB irrati-telebista publikoaren euskara planak ez diela langile guztiei euskara "maila altua" eskatuko adierazi du Cristina Uriarte Eusko Jaurlaritzako Hizkuntza Politika sailburuak. Lanpostu bakoitzak profil bat izango du eta horren araberako maila eskatuko zaio langileari.
Cristina Uriartek nabarmendu du inoiz ez dutela adierazi lanpostu guztietarako maila altua eskatuko zenik.
Hedabideotako profesional guztiak elebidunak izatea babestu du sailburuak, erdarazko hedabideetan ari direnak barne. Horrek "pertsona euskaldunen normalizazioa eta orokortzea positiboki ikusteko" balioko duela eta "euskararen prestigio soziala indartzen" duela gaineratu du.
2013-2016 plan estrategikoa "prozesu luzea" izango dela onartu du, eta ez dela "bi egunetan" egingo.
Maneirori erantzunez
Gorka Maneiro (UPD) legebiltzarkidearen galdera bati erantzunez egin ditu adierazpenok Uriartek. Maneiroren hitzetan, euskara planak "gehiegikeria eta neurrigabekeria" asko biltzen ditu eta "EAJren obsesio linguistikoen begirada berri bat" da.
EiTBk euskararekiko duen konpromisoa lehentasuna izateaz gain eskaera legala ere badela eta plana ez dela kontu ideologikoa erantzun dio sailburuak.
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Naziometroaren arabera herritarren %56k uste du arreta euskaraz jasotzeko aukera izatea eskubide bat izan beharko litzatekeela; eta %32,5ak uste du ezetz.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.
Gipuzkoako Foru Aldundiaren Uliazpi Fundazioan 34 zaintzaile plaza betetzeko oposizioetan euskara eskatzea zilegi zela eta ez zela diskriminatzailea ebatzi zuen iaz Donostiako epaitegiak. Orain ebazpen hori bertan behera utzi du EAEko Auzitegi Nagusiak, langile publiko hauei... [+]