Lanpostuen murrizketak aurrera jarraituko du EITBn, Maite Iturbek ere bai
EITBko Administrazio Kontseiluak ez du onartu Maite Iturbe taldeko zuzendari nagusiaren dimisio eskaera. Eusko Irratiko Enplegu Erregulazio Espedientea bertan behera uztea ere ez.
Astearte arratsaldean egindako EITBren Administrazio Kontseiluan jorratu ziren Maite Iturberen dimisio eskaera eta EEEaren erretiratzea, baina bietan ez da gehiengo nahikorik lortu eskaerak aurrera ateratzeko. PSEk eskatu zuen Iturberen dimisioa eta PPk eta Kontsumitzaileen Elkarteko ordezkariek sostengatu zuten –6 boto–, baina ez ziren nahikoak izan EAJ, Euskaltzaindia eta Eusko Ikaskuntzaren 8 botoen aurrean. EH Bilduk ez zuen parte hartu bozketan eta LABeko ordezkaria abstenitu egin zen. Ondorioz, Maitu Iturbek zuzendari nagusi jarraituko du EITBn.
EEEaren kasuan, PSEk, PPK eta Kontsumitzaileen elkarteko ordezkariek bat egin zuten berau erretiratzearekin eta EAJk, Maite Iturbek eta Eusko Ikaskuntzako ordezkariak aurka. LAB eta Euskaltzaindia abstenitu egin ziren, eta EH Bilduk ez zuen bozketan parte hartu. Hori deigarri egin zen, iragan otsailaren 5ean Eusko Legebiltzarrak Maite Iturberen dimisioa eskatu zuelako EH Bildu, PSE, PP eta UPyDren botoekin. EH Bilduk 2014ko apirileko lanpostuen eskaintza publikoa bere horretan mantendu eta EEEa erretiratzeko eskatu zuen, baina bakarrik LABeko ordezkariaren sostengua lortu zuen.
EEEa bertan behera utzi dadila eskatuz, Eusko Irratiko langileek egun osoko greba egin zuten asteartean eta baita mobilizazio ugari ere. LABek izan ezik, EITBko langile batzordeko gainerako sindikatuek deitu zuten greba, ELA, ESK eta CCOOk. Azken hauek egindako balorazioan grebak erabateko arrakasta izan zuen.
Arazoaren muina 2014ko apirilaren 29tik dator, orduan EITBko Administrazio Kontseiluak 49 pertsonarentzako enplegu lehiaketa publikoa ireki zuen, guztiak Eusko Irratirako. EAJ (6), EH Bildu (4), LAB (1), Euskaltzaindia (1) eta Eusko Ikaskuntzako (1) ordezkarien adostasunez hartu zen erabakia.
Helburu nagusietakoa litzateke, besteak beste, Eusko Irratiko kazetariak bertako irrati guztietan aritu ahal izatea euskaraz eta erdaraz. EITBko langile batzordeko beste hiru sindikatuek gogor kritikatu zuten erabakia (hemen ELAren erantzuna, esate baterako, edota ESKrena), haien ustez plan honen atzean lanpostu murrizketa kamuflatzen zelako.
Enplegu deialdiaren ezaugarri nagusietakoa izan zen, deialdira aurkezteko lehen aldiz C2 maila eskatzen zela eta horrek eztabaida handia ekarri zuen sindikatu eta alderdien artean, besteak beste Eusko Irratian finko izan gabe mugagabeko lanpostua zuten askok ezin izango zutelako eskakizun hori gainditu.
Eskaintza publiko honekin batera, EITBk 79 lanposturi eragiten zien EEEa jarri zuen abian. EITBko langile batzordeak salatu zuen 49 lanpostuko sortuko zirela eta 79 desegin, beraz, 30 galduko zirela.
LABek defendatu zuen galdutako 30 lanpostu horiek lan poltsaren bidez berreskuratuko zirela geroago. Harrez gero, ELAk, ESK-k eta CCOOk deituta, Eusko Irratiko langileek hainbat greba deialdi egin dute, besteak beste, 2014ko ekainaren 12an, azaroan astebetekoa eta 2015eko otsailaren 24ko hau.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.
EITB Mediako langileek ostegunean Pablo González kazetariak bizi duen egoerari ikusgarritasuna eman nahi izan diote, "euskal gizarteak ez dezan ahaztu sufritzen ari den bidegabekeria larria", ELAk zabaldu duenez.
Irailaren 14an eta 26an eta urriaren 19an iragarri dituzte protesta egunak. Salatu dute hamahiru urtean ez dietela hitzarmena berritu eta zuzendaritzak ez duela negoziaketa markoa errespetatu.
Aldatu gidoia euskararen alde! ekimenean 31 eragile batu dira, eta kritikatu dute Eusko Jaurlaritzak EITBn euskara eta euskarazko telebista eta irratiak bigarren mailan utzi izana. Euskarazko ikus-entzunezko edukiak, EITBz gain, bestelako euskarri guztietan egoteko lan egin... [+]
Ertzaintzako bigarren sindikatuak gogor ekin dio Xabier Lapitz kazetariaren aurka, bere aburuz hark En Jake saioa eta bere Twitter kontua erabiltzen dituelako Ertzaintza eta ertzainak iraindu, eta haien aurka mespretxuz aritzeko.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.