EITBk seinale digitala jarriko du Nafarroan, UPNk “ilegala” dela esan arren
Iruñerrian EITB lurreko telebista digitalaren (LTD) bidez sintoniza daiteke jada, kateak sarea digitalizatu ostean. UPNk dio kate publikoa LTDn sartzea “legez kanpoko okupazioa” dela.
Nafarroako Parlamentuak azaroaren 25ean eskatu zion EITBri seinalea era analogikoan ez ezik, LTDn emititzeko. Geroa Baik sustatu zuen eskaera, eta Bilduk, Aralarrek, PSNk eta Izquierda-Ezkerrak babestu zuten.
Orduan, UPN eta PP, baina, kexu azaldu eta abstenitu egin ziren. Orain ere, kontra egin diote katearen zabalpenari. Diotenez, ikus-entzunezko araudia urratu dezake EITBren asmoak. Frekuentzia “okupatu” egingo lukeela uste du alderdiak, eta hori “oso larria” dela. Horregatik, Espainiako Gobernuari egitasmoaren berri eman dio, hark “legezkotasuna ezartzeko behar diren neurriak hartzeko”.
EITBk argitu duenez, Nafarroako Parlamentuaren ekinez ari da seinalea berritzen. Ohar baten bidez jakinarazi du jada taldeko lau telebista kanalak –ETB1, ETB2, ETB3 eta ETBK Sat– ikusgai eta bost irrati kateak –Euskadi Irratia, Radio Euskadi, Euskadi Gaztea, Radio Vitoria eta EITB musika– entzungai daudela.
Neurriak Nafarroako biztanleen %50 ingururi eragin dio, hain zuzen ere Iruñerriko herritarrei. Aurrerantzean, digitalizazioa herrialde osora zabaltzeko nahia duela azaldu du kateak.
Ikusleek telebista birsintonizatu behar dute hedabidearen seinalea jasotzeko.
Iparraldean, bertako albistegi baten defentsan
Sinadura bilketa hasi du Goazen aitzina elkarteak Ipar Euskal Herriak bertako errealitatea islatzen duen albistegia izateko. Irailaren 20an kendu zuen EITBk Iparraldearen orena saioa, 21 urteko emisioen ondoren. Momentu horretan, Ipar Euskal Herriko gertakarien berri Euskal Herria zuzenean saioan emango zuela ziurtatu zuen.
Goazen Aitzina elkarteko Xipri Arbelbidek, ordea, argi dauka kateak ez duela hitza bete: "Batzuetan badira Iparraldeko berriak, besteetan bakarra, eta beste askotan bat bera ere ez". Iparraldeak katearen “beharra” duela azpimarratu du, eta euskara egoera “larrian” dagoela. Horregatik, galdera erretorikoa utzi du airean: “Zer dira 10 minutu EITBrentzat?”
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.