EITBk aitortu du iktusaren kontrako telemaratoian jasotako 146.410 euro kanpaina pagatzeko gastatu zirela
Maite Iturbe EITBko zuzendari nagusiak Eusko Legebiltzarreko EITBren Kontrol Batzordean hitz egin zuen astelehen honetan Elkarrekin Podemosek eskatuta. Iaztik argitu gabe dagoen gai bati buruzko azalpenak eman ditu: zer gertatu zen 2017an iktusaren aurkako EITB Maratoian bildutako diruarekin?
Iazko irailean eman zuen albistea Eusko Jaurlaritzako Osasun sailak: EITB Maratoian herritarrek iktusaren kontra jarri zuten diruaren zati bat, 100.000 euro baino gehiago, ez zela kausa horretara bideratuko, maratoia egiteak dauzkan gastuak ordaintzera baizik.
Sei hilabete geroago eman ditu auziaren inguruko azalpenak Maite Iturbek Eusko Legebiltzarrean. EITB Maratoiaren filosofia eta kanpaina horren barruan egiten diren lanak xehetasunez deskribatu ondoren, 2017ko kanpainaren kasuan EITBk eta BIOEF erakundeak zer hitzartu zuten azaldu du.
EAEko osasun sisteman berrikuntza sustatzeko fundazioa da BIOEF eta erakunde horrek jaso behar zuen, EITBk iktusaren kontrako kanpaina publiko egitean iragarri zuenez, herritarren poltsikoetatik jasotako diru guztia. Eta halaxe egin zuen, Iturbek esplikatu duenez: 2017ko abenduan 10 egunez egindako diru-bilketan 433.803,39 euro jaso ziren eta, horrez gain, EITBko zuzendari nagusiak zehaztu ez duen banku-erakunde batek 3.800 euroko ekarpena egin zuen.
Diru horiek denak BIOEFek jaso zituen, “garbi utzi nahi dut hori”, adierazi zuen Iturbek asteleheneko agerraldian.
146.000 euro baino gehiago kanpaina ordaintzeko
Baina diru hori sartzearekin batera, EITBk BIOEFi ere kobraketa bat egin zion: Iturbek azaldutakoaren arabera, bi erakundeek maratoia antolatzeko sinatutako hitzarmenean zehazten da, jasotako dirua 242.000 eurotik gorakoa baldin bada, horietatik 121.000 euroko kopuru finkoa EITBk jaso behar duela kanpaina-gastuengatik. Kopuru horri gehitu behar zaio %21eko BEZ zerga ere.
Iturbe, asteleheneko agerraldian, kobraketa hori justifikatzeko datuak ematen ahalegindu zen: bere esanetan, EITB taldeko hedabideetan kanpainak izan dituen espazio publizitarioen balio ekonomikoa 700.000 eurotik gorakoa da eta EITBko langileek maratoiari eskainitako lan-orduen balioa berriz 18.000 eurotik gorakoa.
Ekoiztetxe baten zerbitzua kontratatzen du EITBk aipatutako telemaratoia egiteko eta hark kobratu zuen aipatutako kopurua Iturbek azaldu duenez. Elkarrekin Podemoseko legebiltzarkide Eukene Aranak galdetu zion ea ezin den halako kanpainarik antolatu irrati-telebista publikoaren berezko baliabideekin. Iturbek ezetz erantzun zuen.
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
