Eibar futbol taldearen zaletuen artean Eibar-Israel izeneko peña dago eta, hortaz, Palestinako ikurraren presentziak “segurtasun arazoak” sortu zitzakeen. Hori dela eta, Ertzaintzak “egokitzat” jo zuen ikurra kendu araztea Eibar eta Huesca arteko partidan. Hori da Josu Erkoreka Segurtasun sailburu eta lehendakariordeak Julen Arzuaga legebiltzarkideari auziaren inguruan eman dion erantzuna. Peñak kluba zoriondu zuen urrian, Palestinako ikurra debekatzeko erabakiagatik.
Urriaren 15ean Palestinako ikurra zeraman zaletua estadiotik kanporatu eta isunarekin mehatxatu zuen Ertzaintzak, klubaren babesarekin. EH Bilduko legebiltzarkide Julen Arzuagak Josu Erkoreka Segurtasun sailburuari galdera zuzendu zion, ea uste duen “Palestinako bandera erakustea” den “ilegala” edo “jazarpen helburua”.
Sare sozialetan zabaldu du Arzuagak Erkorekaren erantzuna: “Kasu zehatz horretan egokitzat jo zen bandera kentzea, Eibarko Kirol Elkarteak bere zaleen erregistro-liburuaren barruan “Peña Eibar Israel” izeneko kirol-lagunartea baitauka; eta beraz, bandera hori erakusteak eragin zezakeen futbol-partidan zehar segurtasun arazoak gertatzea”.
Zenbait erabiltzailek erantzun diote Arzuagaren txioari Erkoreka kritikatuz, esaterako: “Sionista baten argudioa, edo “Beraz ‘Rusia peña’ egongo balitz... Ukraniako banderak erakustea, debekatuta?”.
Gogoratzen duzue Eibarko zalea Palestinako bandera erakusteagatik Ertzaintzak jazarria?
Ba hau erantzun dit Erkorekak:#AhoBeteHortz#NoCommenthttps://t.co/8pczoQmnqA pic.twitter.com/vjE5F1L1b7
— Julen Arzuaga Gumuzio (@julenaretakoa) January 2, 2024
Urrian bertsioa beste bat izan zen
Erantzunaren egokitasun edo egokitasun ezaz haratago, urrian emandako azalpenak beste batzuk izan ziren. Klubak ziurtatu zuen Ligak barne-zirkular bat bidali ziela klubei ikurrak debekatu zitzaten. Segurtasun Sailetik azaldu zuten Eibarko segurtasun zerbitzuek eskatu zutela Ertzaintza bertaratzea, eta Kirolaren Legea aintzat hartuta zigor-akta bat ireki ziola kanporatu zuen zaleari.
Sionisten esker ona
Jon Torner kazetariak jaso zuen gisan, 2015ean sortutako Eibar-Israel peñak esker ona adierazi zion Eibar futbol klubari partida hartan hartutako jarreragatik: ““Zutaz harro gaude, Eibar. Errenkadan lortutako hogei garaipenek baino balio handiagoa du honek”, idatzi zuen peñak sare sozialetan.
Palestinarekin Elkartasuna plataformak deituta, bi hiriburuetako jaietan "Palestina presente" egoteko aldarria luzatu dute. Ostiralez Bilbon, eta larunbatez Donostian.
Amazonen hodeia da AWS, eta funtsezko faktorea izaten ari da Israelen operazio militarretan.
"Gure bizitzak haienak baino garrantzitsuagoak dira", esan dio Israelgo armadako soldadu batek Israelgo komunikabide bati.
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]