EHZko musika egitaraua jolas gisa kaleratzen ari dira
Euskal Herria Zuzenean festibalaren antolatzaileak jolas baten bidez ari dira musika programazioaren berri ematen, sare sozialez baliatuta. Oraingoz Kàshbäd eta Bigflo et Oliren parte hartzea ezagutarazi dute.
Lehenengo pistaren berri Twitter bidez bidalitako mezuetan eman zuten:
Egun on festibalariak. Gaur gure pista jokoa abiatzen dugu aurtengo programazioa ezagutzeko! Eta ongi hasteko,horra lehen izen bat : Kàshbäd
— EHZ festibala (@ehzfestibala) April 7, 2014
Ondoko taldea jakiteko, Baionako Xina ostatuan pista bat atxemanen duzue. Parte hartu, ostatua miatuz ta salatuz sare sozialetan! #ehz2014
— EHZ festibala (@ehzfestibala) April 7, 2014
Baionako Xina ostatuko zerbitzariak jakinarazi du zein izango den Kàshbädekin batera eszenatokira igoko den bigarren taldea: Bigflo et Oli Okzitaniako Tolosako rap bikotea hain zuzen.
Jokoak aurrera jarraitzen du, eta Baionatik Donibane Garazira joateko gonbitea egin dute antolatzaileek. Bertan jakinaraziko baitute hirugarren taldearen izena.
Aste osoan zehar luzatuko da pista jolasa, eta izen guztiak ostiralean kaleratuko dituzte, lekornen egingo duten prentsaurrekoan.
Elkarteak ekainaren 27, 28 eta 29an Arberatzen (Nafarroa Beherea) izango den jaialdian izateko aurresalmenta abiatu du ostegunean. Hiru eguneko sarrerak 43 euro balioko ditu eta Ipar Euskal Herriko "lau ertzetatik" festibalera hurbiltzeko autobusak antolatuko dituztela... [+]
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.