EHZ jaialdiaren balorazio positiboa egin dute arduradunek
Jende ugari hurbildu da asteburu honetan Lekornera (Behe Nafarroa) Euskal Herria Zuzenean jaialdira. Eguraldiak ez du jaia zapuztu, eta larunbatean ekaitzagatik programa moldatu behar izan zuten arren, jaiak normaltasunez aurrera egin zuen. Igandean antolatzaileek lehen balorazioa egin dute, positiboa.
Ekaitzak eragindako kalteei aurre egin ahal izateko festibalaren 700 laguntzaileen lana ezinbestekoa izan dela nabarmendu dute.
Naiz.info-k jaso duenez, arduradunek sare sozialetan jasotako sostengu mezuak eskertu dituzte, eta Lucien Betbder Lekorneko auzapezak antolatzaileen profesionaltasuna eta hauek herritarrekin izandako harreman ona azpimarratu ditu.
Aurten espazioa hobeto kudeatu dutela azaldu dute arduradunek. Donostiako Piratekin eta Gora Iruñearekin batera eraikitako bi txosna jarri dituzte adibidez. Gainera, sarreran arazoak saihesteko 6 autobus linea jarri dituzte Lekornera iristeko barrualdetik, Baionatik, Hendaiatik, Gipuzkoatik, Bizkaitik eta Nafarroatik.
Euskal Herria Zuzenean jaialdiaren 19. edizioa ostiralean hasi zen eta hiru egunetan zehar kontzertuak, hitzaldiak, tailerrak, eta beste hainbat jarduera jaso ditu. Igandean Elkartasun Egunarekin bukatu zen festibala.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".