EHZ, hiru egunez “jendarte ideala” sortzeko prest
EHZ Euskal Herria Zuzenean jaialdiak ostiral honetan du abiapuntua. Lekorneko Garro eremuan (Lapurdi) azpiegitura guztiak prest daude uztailaren 1, 2 eta 3rako antolatuta dauden kontzertu, tailer, ikuskizun eta eztabaidei hasiera emateko.
Burujabetza da 2016ko edizioaren ardatza. Hori aintzat hartuta antolatu dituzte aurten EHZko ekintzak eta egitarau zabalaz gozatzeko aukera izango dute bertaratuko direnek. Kontzertuei dagokienez Crystal Fighters, Belako, Nneka, Fermin Muguruza, Kadavar, Willis Drummond edo Niña Coyote eta Chico Tornado dira protagonistetako batzuk.
Burujabetzak ardatz
Euskal Herria Zuzenean jaialdi bat baino gehiago da. Loretxu Bergouignan antolatzaileak Iparraldeko Hitzak eginiko bideoan azaldu bezala burujabetza bainoago burujabetzak dira jaialdiaren ardatza. “Hau da, subiranotasun osoa nola eraman; integralki nola eraman autogestioa”.
Ildo horretatik gai asko jorratuko dira eztabaidetan, Sorgin zelaian, gurea asma lelopean eta “jendarte ideala” sortzeko helburuarekin: feminismoa, kapitalismoa, osasuna edo elikadura burujabetza, besteak beste. Okupazioaren inguruko tailerra, autodefentsa feminista, dantza afrikarrak edo ferekatze tailerra dira beste aukeretako batzuk.
Aurtengo berrikuntzen artean Gune Ubelaren sorrera azpimarratu daiteke. Bertan izango da diskriminazio mota desberdinen inguruan eztabaidatzeko parada. Eraso sexisten inguruko protokoloa ere antolatu dute eta telefono bat izango da eskuragarri, erasoa jasan edo ikusi duen orok erabil dezan.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".