EHZ festibaleko lehen musika taldeak iragarri dituzte
Iseo & Dodosound, Oihaneko Zühainetan, Gari & Maldanbera, Koban, Broken Brothers Brass Band eta Montauk izango dira ekainaren 28tik 30era Irisarrin eginen duten jaialdia. Sarreren aurresalmenta martxan jarri dute jada, eta gazteei laguntzaile gisa joateko deia egin diete.
Herria eta datak aurrez iragarrita, EHZ festibalaren lehen dasta jakitera eman dute gaur Baionan egindako agerraldian. Sei musika talderen izenak eman dituzte jakitera, baita hainbat tailer eta emanaldiren berri eman ere. Besteak beste, G7a, feminismoa, burujabetza eta besta eredua izanen dituzte hizpide tailerretan. Kontzertuez gain, bestalde, Toi D'abord zirku konpainia eta Led Silhouette dantza ikusgarria ere eskainiko dituzte.
Aurtengo festibala "ziklo berri baten" hastapen gisa aurkeztu du EHZko talde motore berriak, eta auzolana jarri nahi izan dute erdigunean, galtzagorrien metafora hartuta: "Gure artean sortu den auzolan eta elkarlaguntza izpiritu hau nahi dugu sentiarazi aurtengo edizioan. Izan laguntzaile, antolatzaile, festalari, kazetari… Denek osatzen baitugu EHZ". Gauza bera adierazten du kartelak ere: "EHZ festibalaren gibelean den egiazko elkarlan honen makineria erakusten du. Erakusten du ere EHZ Euskal Herriaren eraikuntzaren bihotzean kokatzen dela, eta EHZ festibala, Euskal Herri guziko eskaintza kulturalaren biriki bat izan nahi dela".
Albiste hau Topatuk eman du eta Creative Commons lizentzia libreei esker ekarri dugu ARGIAra.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".