EHUren “izaera poliziala” salatu dute ehunka ikaslek Gasteizen
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Polizia unibertsitatetik kanpora! EHU errudun! lelopean mobilizatu dira ostegun eguerdian ehunka ikasle Gasteizen. Elurretatik hasi eta Magisteritzako fakultatera abiatu dira, eta besteak beste, honako aldarri hauek entzun dira: “Borroka da bide bakarra”, “Askatasun politikoak defendatu” eta “Indar poliziak Campusetik kanpora”. Ondoren, Farmazia fakultatea inguratu eta “EHU Campus poliziala” eta “Manoli errudun” zioten pankartak erakutsi dituzte.
Ikasle Abertzaleak-ek martxan jarritako Unibertsitatearen doakotasunaren eta eskubide politikoen aldeko proposamen politikoaren lau puntu esanguratsu ere jendarteratu dituzte: masterrak doakoak izatea; ordaindu gabeko praktikaldiekin amaitzea; alokairuen gastuei aurre egiteko diru laguntzak unibertsalak izatea eta Polizia unibertsitatetik kanporatzea.
Errektoreordetzan bukatu dute manifestazioa, eta bertan egin dute amaierako ekitaldia, Ertzaintzaren begiradapean. Ikasleek EHUri leporatu diote “jazarpenaren erantzukizun osoa”, eta seinalatu dute “ekimen politiko oro erreprimitzeko prest” dagoela unibertsitateko errektoretza. Era berean, eta ostegun arratsaldera arte iraun behar zuen Herri Unibertsitatea bertan behera utzi badute ere, adierazi dute ikasleen “formakuntza politikoa” eta “pentsamendu kritikoa” balioesten jarraituko dutela.
Bide beretik, “antolakuntza independentea” aldarrikatuta, Ikasle Abertzaleak-ek martxoaren 20ko ikasle grebarako deialdia egin du.
.jpg)
Aurrekariak
Ikasle Mugimenduak urte luzetan antolatu duen ekimena da Herri Unibertsitatea, hausnarketa, eztabaida eta formakuntza politikoa ardatz dituena. Asteazkenetik ostegun arratsera zen aurtengo edizioa, Gasteizko Campusean (Araba) –bertan behera utzi dute asteazken gaueko gertakariak medio–. Dena den, egun bakarrean hamaika auzi izan zituzten aztergai: Palestinako sarraskia, auzi ekologikoa, alderdiaren kontzeptu boltxebikea, artearen historia edota emakumearen auzia.
Ikasleek adierazi dutenez, EHUk “aurtengoan ere trabak” ipini dizkie; nagusia, gaua unibertsitatean bertan pasatzeko debekua. Ikasleek, ordea, horri aurre egitea erabaki zuten. Arratsaldeko 18:00etarako agerikoa zen Ertzaintzaren presentzia, eta ordurako gutxienez bi kide identifikatu zituzten antolatzaileen esanetan. Hala ere, egitarauarekin aurrera jarraitu eta Letren Fakultatea hartzeko hautu argia egin zuten ikasleek, Ikasle Abertzaleak-eko kide den June Eguinok ARGIAri kontatu dionez: “Batetik, itxialdia Herri Unibertsitatearen parte dela aldarrikatzeko; eta bestetik, jazarpen poliziala salatzeko”.
“Elkarrizketarako aukerarik ez da egon”
Gaueko 21:15 aldera jakin zuten ikasleek EHUk fakultatea husteko agindua emanda zuela. Hala ere, “irmoki” bertan jarraitzea erabaki zuten Eguinoren esanetan, eta EHUko errektoreordetza presionatzen jarraitu, “fakultatea hustea ez zen beste alternatiba bat mahai gainean jartzeko”. Eguinok, ordea, EHUk “eztabaidarako ate guztiak itxi” zituela adierazi dio ARGIAri, eta azpimarratu du ez zela “elkarrizketarako inongo aukerarik egon”.
21:30 aldera sartu zen Ertzaintza fakultatera, eta ikasleak lurrean eserita eta elkar eutsita eta pilatuta zeuden. Bertan zeuden gazteek ohartarazi, salatu eta Gedar-ek irudietan jaso zuenez, ertzainek “material pertsonala” kendu zieten lehenbizi, eta ikasleek osaturiko blokea indarrez desegin zuten gero. Hainbat kide identifikatu zituztela ere adierazi dute.
Kanpoan ere izan ziren istiluak, barruan zirenei babesa adierazten ari zirelako zenbait gazte. Ikasle antolakundearen arabera, horietako bat borrarekin zauritu zuen Ertzaintzak.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.