LAB sindikatuak salatu du konfinamendu erabatekoa ezarria den aste honetan ere ehunka garbitzailek jarraitzen dutela EAEn itxita dauden ikastetxeak garbitzera joaten, "Hezkuntza Sailak aginduta". Hauek dira langileen osasuna arriskuan jarriz beharrezkoa ez den zerbitzua ematen jarraitzen duten enpresak: ISS, Zaintzen, Garbialdi eta OHL. Zein ikastetxe garbitzen jarraitzen duten ere zehaztu du sindikatuak.
LAB sindikatuak hainbat ikastetxeren eta garbiketa enpresen berri eman du, ikastetxeak itxita egonik ere langileak hauek garbitzera bidaltzen dituztenak.
Bizkaian 40 lan-zentro baino gehiago dela adierazi du sindikatuak. Horien artean: Gurutzeta BHI (ISS enpresa), Uribe Kosta BHI (ISS), Balmaseda BHI (ISS), Erandio LH (ISS), Gernika BHI (Zaintzen enpresa), Bermeo HEO (Zaintzen), San Mameseko fakultatea (Garbialdi enpresa), Leioako kanpusa (OHL enpresa)...
Gipuzkoan, Azkoitia BHI (ISS), Batxiler Azkoitia (ISS), Altza (Garbialdi), Iparragirre Zumarraga-Urretxu (ISS).
Arabako ikastetxe hauetan guztietan ISS enpresa ari da garbiketa zerbitzua eskaintzen: Aguraingo Aniturri BHI, Murgia BHI (Murgia), Gasteizko Ekialde DBH, Gasteizko Mendebaldea BHI; eta Gasteizko Jesus Guridi musika kontserbatorioa.
LAB sindikatuak salatu duenez, Hego Euskal Herrian erabateko konfinamendua ezartzen duen Dekretua aste honetan indarrean sartu bada ere, "garbiketa sektoreko ehunka eta ehunka langilek beren lantokietara joaten jarraitu behar dute: dagoeneko garbi dauden, itxita dauden eta, oraintxe bertan, garbiketa funtsezkoa ez den bigarren hezkuntzako ikastetxeetara eta EHUko egoitzetara joaten jarraitu behar dute". Errege Dekretuaren ahuldadea seinalatu du: "Dekretuak garbiketa funtsezko jarduera gisa hartzen du, baina ez du bereizten osasun-zentro baten edo garraio publikoaren garbiketa, eskola, museo edo bulego itxi baten garbiketatik".
Enpresen "arduragabekeria" salatu du sindikatuak, izan ere, "garbiketaren funtsezkotasunean oinarrituz zentro itxiak garbitzera bidaltzen dituzte langileak. Funtsezko jarduera ez dela jakinda ere, eta erabat kontziente izanik ez dela segurua haientzat, ez baitizkiete beharrezko babes-ekipoak ematen. Eta hori nahikoa ez balitz, lan-zentroak itxita egonik eta egun hauetako alarma laranjan egonagatik ere, berogailu gabe dihardute lanean".
"Administrazio publikoen eta, bereziki, Hezkuntza Sailaren jarrera salatzen dugu" adierazi du sindikatuak; "izan ere, berariazko agindua eman die enpresei garbiketa-zerbitzua ematen jarraitzeko, nahiz eta beren zentroak martxoaren 13tik itxita egon, euren osasuna arriskuan jarriz. Deigarria da erabaki hori langileek beren lan-baldintzak duintzea aldarrikatzen zuen greba-deialdi baten ondoren etortzea".
Solaria multinazionalak 100 hektareako parke fotovoltaikoa eta eskualdea zeharkatuko lukeen Oso Goi Tentsioko Linea eraiki nahi ditu Arabako Gorbeialdean. Herritarrak aurka antolatu dira eta ekimen jendetsu ugari burutu dute denbora gutxian. Baina Gorbeialdeakoa Solariak Araban... [+]
Bizkaia Irratiko Irakurrieran literatur saioari agur esan dio Mikel Ayllon idazle eta orain arteko saioaren gidariak. Irailetik aurrera jarraituko ez zuela esateaz gain, gogoeta egin zuen sareetan euskarazko literaturaren egoeraz: "Euskal literatura gero eta homogeneoagoa... [+]
Txikitan kaian arrantzatu ohi genituen ‘pantxito’ gehienak ziurrenik bisiguak izango ziren, baina nekez ikusten genituen bisigu handiak. Izatekotan, jatetxe ezagunetan izango zen, arraindegietako bisigu gehienak kanpotik ekarriak ziren bitartean. Egun, kostaldeko... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Diskriminazioaren ahotsak txostenak zenbakitan jasotzen ditu 2023an Bizkaiko SOS Arrazakeriaren Informazio eta Salaketa Bulegoan pertsona ugarik agertarazitako esperientziak, eta haietan "arrazoi arrazista eta xenofoboen aurkako indarkeria, eraso eta diskriminazioak”... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Zestoako Iraeta auzoan, Urola ibaiaren meandroan daude Amilibia baserria eta bere lurrak. Horiek modu kolektiboan erosteko dirua biltzen ari da Biolur laborantza ekologikoaren aldeko elkartea. 2025 bukaerarako dute hitzartua azken ordainketa, baina erosketa fasean egon arren,... [+]
Larunbatean egingo dute San Martin Harriaren inguruan 600 urte baino gehiago dituen ohitura eta aurten emakume alkateentzako jantzi erronkariarrak prestatu dituzte, orain arte gizonezkoentzako baino ez baitzeuden.
Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.