Ehunka lagunek hartu dute parte Zumaiako larunbateko eraso sexista gaitzesteko manifestazioan
Larunbat gauean Zumaian izandako eraso sexista salatzeko manifestazio jendetsua egin da astelehen arratsaldean. Erribera kalea ertz batetik besteraino bete dute martxan parte hartu duten ehunka lagunek.
Larunbat gauean gertatu zen erasoa bi emakume gazte etxera bidean zihoazela. Gizonezko batek atzetik jarraitu zien eta erasotu egin zituen. Asteleheneko manifestazioa deitu duen Mugimendu Feministak aditzera eman duenez, bi emakumeek erasotzaileari aurre egin zioten Ertzaintza iritsi bitartean. "Ordurako ihes egin zuen erasotzaileak, baina beranduago identifikatu zuten".
Erasoaren jakitun, hau gaitzetsi eta Mugimendu Feministak deitutako manifestazioan parte hartzera deitu dute, besteak beste, Zumaiako Udalak eta Berdintasun Foroak. Deialdiak erantzun handia izan du eta ehunka lagunek hartu dute parte Saregileen plazan hasi eta, Beheko plazatik igaro ondoren, Kofradiako plazatxoan amaitu den manifestazioan. "Etxerako bidean emakumeok* aske! Erasoen aurrean autodefentsa feminista!" leloa zeraman pankarta baten atzean egin dute martxa.
Amaieran idatzi bat irakurri dute: "Zenbat aldiz joan gara etxera bidean pausua azkartuta? Zenbat aldiz atzera begira? Zenbat aldiz beldurtu gara gizon bat atzean nabaritu dugunean? Eta zenbat aldiz deseroso sentitu ilunetan gizon-talde baten aldamenetik igarotzean? Zenbat aldiz eraman ditugu giltzak eskuan, eta zenbat aldiz itxi portaleko atea kolpe batez sartu orduko? Zenbat aldiz itxaron diogu elkarri, etxera bidea bakarrik ez egiteko? Zenbat aldiz pentsatu bi aldiz zein bide hartu?", gogoratu dute.
Halako erasoen aurrean autodefentsa feministaren erabilera balioan jartzea eskatzen dute. "Zoritxarrez eraso eta indarkeria ugari eta anitzak jasan behar ditugu emakumeok, baina ez gara gehiago txikituko. Batera indartsuak gara". Eraso eta indarkeria oro salatzen dituztela ere azpimarratu dute. "Baina aldi berean ahalduntzean eta autodefentsa feministan egin nahi dugu azpimarra".
"Ez dugu beldurrez bizi nahi. Eta ez gara beldurrez biziko. Ezin dugu ezikusiarena egin, ordea. Badira emakume izateagatik soilik bizi ditugun arrisku eta biolentziak. Baina horien aurrean, elkar babestuko dugu. Gure buruak indartu eta elkar zainduko dugu. Erasorik ez erantzunik gabe! Eraso sexisten aurrean, autodefentsa feminista!", esanaz amaitu da ekitaldia.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Gizon bilbotar zuri bat epaitua izan da bere bikotekidea (emakume migratua) bizirik erre izana leporatuta. Feminizidio frustratu horrek agerian uzten du biktimek bizi duten babesgabetasuna, indarkeria matxista arrazakeriarekin uztartzen denean.