Donostiako Udalari exijitu diote behingoz Sorleku parkea egin dezala, ehunka familia eremuan bertan sartuta
Ekintza zuzena burutu dute Donostiako Marrutxipin 600 pertsonatik gorak. Ategorrieta ondoan, Sorleku parkea egitea nahi duten lur-eremuaren inguruan buelta bat eman ostean, barrura sartu dira ordu erdi pasatxo iraun duen protestan. Duela hainbat urte, Donostiako Udalaren parte-hartze prozesu baten bidez, ehunka haur eta auzokideren lankidetzarekin, parkea diseinatu eta Sorleku izena eman zioten. Orain aste gutxi, baina, udalak bertan aparkaleku bat egiteko asmoa iragarri zuen. Protestaren arrakasta ikusita adierazi dute: "Espero dugu entzun behar duten politikariek entzungo dutela gure mezua". Albistearen amaieran argazki galeria.
Ostegun arratsaldean, eskolak amaitu eta berehala, ehunka familia bildu dira Ategorrieta ondoan dagoen Maritxu Guler parkean, Parkingik ez, parkea orain! lelopean. Trikitilariak buruan, eta haurrek eginiko kartel eta marrazkiak Marrutxipiko lur-eremu grisaren inguruan jarriz, protesta egin dute. Behin partzela hesituari bira eman ostean, hesia ireki eta barrura sartu dira 660 pertsona, ARGIAren zenbaketaren arabera. Ikusi Irutxuloko Hitzak egin duen laburpen bideoa.
Harriz eta obretako materialez beterik dagoen eremua izaki, zenbait antolatzailek jolasteko eremu bat perimetratu dute, zinta batekin, haurren segurtasunerako. Trikitixak girotuta, soka-saltoan aritu dira pozarren, ordu erdiren ostean amaitzeko oihua errepikatuta: "Par-ke-a-nahi-du-gu!".
"Guk haurrak, zuhaitzak, lasaitasuna eta bizitza nahi ditugu; ez autoak, asfaltoa, zarata eta kutsadura", adierazi dute Sorleku parkearen aldeko guraso eta auzokideen izenean prentsari igorritako oharrean. Horregatik, diote ez dutela onartuko Sorleku parkea ez den ezer. "Protesta koloretsu eta indartsu honekin gure ahotsa altxa nahi izan dugu eta argi diogu, ehunka pertsona gara parke honen alde mobilizatu eta protesta egiteko prest gaudenak".
Parte hartze prozesu bat oinarri
Gogoratu dute parke horren diseinuan Zurriola ikastolako 300 ikaslek, inguruetako zahar etxeetako egoiliarrek eta auzokide ugarik hartu zutela parte, eta denen artean diseinatu zutela nolako parkea nahi zuten. Proiektuarentzat Donostiako Udalak zenbait urtez diru partidak onartu izan baditu ere, azken bost urteotan geldirik egon da. Duela hilabete inguru, sorpresaz, udalak jakinarazi zuen arte bertan parkerik ez, baizik eta aparkaleku erraldoi bat egingo duela, hirira kanpotik iristen direnek autoa utzi ahal izateko. Albisteak inguruetako auzo elkarte, bizilagun eta gurasoak mugimenduan jarri zituen. Adibidez, bi astetan, 2.500 sinaduratik gora bildu zituzten online.
"Ez zaigu onargarria iruditzen. Errespetu falta izugarria da auzoarekiko, eta batez ere, parte hartze prozesuari beren denbora eta ilusioa eskaini zieten ehunka pertsonekiko. Donostiako Udala oso leku txarrean uzten duen erabakia da", adierazi dute. "Hemen ez bada herritarrek erabakitako parkea egiten, gure ustez, etorkizuneko parte hartze prozesuek zilegitasun osoa galduko dute herritar askoren begietara".
PSE-EE bakarrik geratu da parkearen aurka
Orain bi aste, Donostiako Udaleko osoko bilkuran Elkarrekin alderdiak Sorleku parkearen alde aurkeztutako mozioa onartu zen. PSE-EE alderdia bakarrik geratu zen aurka. Elkarrekin, PP, EH Bildu eta EAJ parkearen alde posizionatu ziren.
"Horrek ez du esan nahi borroka irabazia dagoenik", diote. Udaleko osoko bilkuretan esandakoak ez dira lotesleak, eta beraz, lanak hasi arte, ezin da esan borroka irabazia dagoenik. "Hala ere osoko plenoan gertatu zenak, indar gehiago ematen digu oraindik, irabaz daitekeen borroka dela ikusten dugulako".
Zigortutako eremua
Parkearen inguruan duela gutxi autobidetik irteera berri bat ireki dutela, horretarako dozenaka zuhaitz moztu zituztela eta ordutik trafikoa biderkatu egin dela ere salatu dute. Bertan ibili ohi diren haur eta bizilagunen segurtasunerako, seinalizazio egoki, radar eta neurri gehiago eskatu dizkiote udalari.
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
Ekimenak bakea eta justizia soziala sustatzeko proiektuak finantzatzea du helburu. Sustatzaile diren gizarte mugimenduek mezu argi bat bidali diete gobernuei eta armagintza industriari: "Ez dugu gerraren konplize izan nahi".
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".