Bangladesheko 700 ehungintza-langile baino gehiago kaleratu dituzte greba amaitu ondoren
Astebetetik gora egon dira greban ehungintzako langileak, soldatak igotzea exijituz. Iragan astean, gobernuak soldata igoko ziela agindu ostean, grebari amaiera eman zioten langileek. Lantokietara bueltatzerakoan, baina, gutxienez 750 pertsonak kaleratu dituztela jakin dute.
Gobernuak ehungintza sektorean soldatak igoko zituela jakinarazi zuen iazko irailean, eta 2019an sartzearekin batera gutxiengo soldata %51 igo zuen, 82,75 eurotara. 2013an Rana Plaza eraikina hondoratu eta multinazionalentzako arropa josten zuten milatik gora langile hil zirenetik, lehenengo soldata igoera izan da. Alabaina, igoera horrek ez du bizitzaren kostuaren garestitzea berdintzen, langileek azpimarratu dutenez.
Elle aldizkariak Shamim Imam sindikalistak egindako adierazpenak jaso ditu. Imam-en arabera, langileek oinarrizko soldata jasotzen dute, soldata errealaren %40a besterik ez dena. Hortik aurrerakoa produkzioaren araberako bonu, hobari eta irabazien araberakoa da. “Izatez, langileen oinarrizko soldata 372 taka (4,4 euro) besterik ez da igo”, adierazi du.
Urte berriarekin batera, indarrean jarritako soldata igoera iruzurtia dela iritzita, haserrez hartu zituzten kaleak ehungintzako langileek. Gobernuak istiluei amaiera eman asmoz, soldata igoera berri bat onartu zuen pasa den astean, eta langileek greba bertan behera utzi zuten. Hala bada, urtarrilaren 16ko asteazkenean, lanera buelta egin zuten langileek. Orduan jakin zuten askok kaleratuak izan zirela: ehungintza sektoreko konpainia ugaritako 700 langiletik gora lanetik bota dituzte.
Jantzigintzako sindikatuko kide batek Channel NewsAsia telebista kateari kaleratzeen gainean egindako adierazpenen arabera, ugazabek beldurra eragiteko helburua darabilte, inor protesta egitera eta soldata justuak eskatzera ausartu ez dadin.
Kaleratzeei bide emateko, grebak iraun duen bitartean lantokietako makineria kaltetu dutela leporatu diete lantokietako ugazaba askok. Metro Knitting konpainiako gerenteak AFPri adierazitakoaren arabera, 300 langile salatu dituzte kamerak eta ordenagailuak kaltetu izana leporatuta. “Bandalismoa” aitzakia gisa, kaleratzeez gain hamabi pertsona atxilotu ere egin dituzte.
Hildako bat
Kaleratze eta atxiloketez gain, gatazkak hildako bat utzi du. Grebari bide eman zioten istiluetan poliziak izandako esku-hartzeak eragin zuen heriotza, gas negar-eragilea eta gomazko pilotak erabili baitzituzten jendearen aurka.
Ehungintzako diseinua ikasi zuen Salsamendik Bartzelonan (Katalunia). Moda azkarraren eta merkearen baloreekin, ordea, ez du inoiz bat egin. Etxera itzuli zen, ikasten segitzeko asmoz. Josten ikasi zuen, Madrilera (Espainiako Estatua) joan zen jasangarritasunaz praktikaldi bat... [+]
Ehungintzako kate handien Espainiako Estatuko lehen hitzarmena negoziatzen hasi dira uztailaren 17an, eta ELA sindikatuak salatu du Hego Euskal Herriko langileen baldintzak okertuko direla, lurralde hitzarmenak baztertuz gero. Grebaren eragina batik bat Araban nabaritu dela... [+]
Hemeretzi eguneko grebaren ostean, Gipuzkoako ehungintza sektorean hitzarmena sinatu dute gehiengoa duen ELA sindikatuak eta patronalak. Besteak beste, erosahalmena berreskuratzeko soldata igoera eta lan ordutegian langileen kontziliazioa bermatzeko neurriak adostu dituzte.
Gipuzkoako ehungintzako langileek greban jarraituko dute larunbata arte gutxienez, sektoreko hitzarmena negoziatzeko patronalak erakutsitako jarrera makurra dela-eta. Nafarroan, La Morea merkatal zentroko H&M saltokiko langileak ere greba mugagabean dira abenduaren 9az... [+]
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]
Gobernuak soldata igoera agintzearekin bat, greba bukatutzat eman zuten langileek. Lantokietara bueltatzerakoan, baina, kaleratuak izan zirela jakin zuten gutxienez 750 langilek. Zifra horrek nabarmen egin zuen gora hurrengo egunetan.
Ehungintza sektoreko milaka langilek astebetetik gora dihardute greban Bangladeshen. 50 lantegi inguruk itxi dituzte ateak, eta poliziak istiluetan erabilitako indarkeriak hildako bat eragin du.
Izerditako baten irudia zabaldu du H&M multinazioanalak. Irudian haur beltzaran bat ageri da “Ohianeko tximurik guayena” idatzia soinean duela.
Apirilaren 24an lau urte beteko dira Bangladeshen Rana Plaza eraikina hondoratu zela. 1.000tik gora langile hil ziren. Multinazionalentzat arropa josten zuten, lan baldintza gogorretan. Mundu Martxak salaketa ekintzara deitu du.