Ehundik gora traktorek Biarritzeko bideak okupatu dituzte Arbonako lurren espekulazioa salatzeko
ELB sindikatuak eta Lurzaindiak ekainaren 23an hasi zuten Arbonako lursailaren okupazioa. Traktoreen martxa bezalako hainbat ekintza antolatu dituzte ordudanik lurren espekulazioa salatzeko. Hurrengo deia uztailaren 15erako egin dute.
Ipar Euskal Herritik hurbildutako ehundik gora traktorek martxa antolatu dute Arbonan ELBk eta Lurzaindiak okupaturiko lurretatik hasita. Uztailaren 13an, Biarritzerako bidea egin dute ibilgailuek, eta aireportu inguruak hartu dituzte, Arbona, Bidarte eta Angelura doazen bideak kolapsatuz.
“Hazten gaituen lurra zain dezagun” lelopean, lurren espekulazioa salatzeko elkartu dira laborariak. Pausu garrantzitsua izan bada ere, helburua lortu arte, okupazioak jarraitu egingo duela adierazi dute antolatzaileek. Okupazioaren osteko hogeigarren egunean baratzea egiten hasi dira Arbonan. Datozen egunetarako, berriz, beste hainbat ekintza antolatuko dituzte: hurrengo deia uztailaren 15erako egin dute, arratsaldeko 19:00etan.
Okupazioaren arrazoiak
Arbonan hamabost hektareako lurra eta bertan dagoen etxea hiru milioi euroan saldu nahi dizkiote suitzar erretreta bati. Frantziako Abeltzaintza Sailak kudeatzen duen Safer konpainiak prezioa gehiegizkoa dela aitortu du: 100.000 euroan ezarri dute bere benetako balioa. ELBk eta Lurzaindiak lurren espekulazio kasu berria dela esan dute, eta ekainetik hainbat laborarik eremua okupatu dute hori salatzeko eta lurrak babesteko neurriak eskatzeko.
Uztailaren 13ko goizean, ELBko kide eta laborari Maryse Cachenaut-ek azaldu du zaila izango dela bi aldeak akordio batera heltzea: “Saiatu gira negoziatzen haiekin, baina hor ere biziki konplikatua da, zenta saltzailea Suitzan bizi da, baina ez gira zuzenki berarekin harremanetan sartzen ahal. Euskal Elkargoko lehendakariak proposatzen zuen negoziatzea, baina ez du lortu bilkura bat antolatzea saltzaile eta erosleen artean”. Hainbat laborarik Naiz hedabideari adierazi diotenez, uztailaren 20an amaituko da salmenta egiteko epea, eta erosleak “denbora irabazi nahian ari dira”, bilera posible bat atzeratuz.
Gainera, Arbonako lurrak ez dituzte laborantzarako erabiliko, eta ELBk kritika egin dio erabaki horri ere: “Iparraldea elikadura autonomiatik urrun da, eta laborantza lurren babestea lehentasunetan ezarri behar da”. Mota honetako salmentekin lurrak laborariengandik “ebatsi” egiten direla salatu dute, eta ekiditeko, Arbonako lurrak eta etxea banatuta saltzeko eskatu du erakundeak. Horrela, lursailaren salmenta Saferrek kudeatu lezake, eta nekazaritzako erabiliko direla ziurtatu.
Hainbat espekulazio kasu
Ipar Euskal Herrian asko dira laborantzarako erabiltzen diren lurren espekulazio kasuak. Kazeta.eus komunikabideak horietako hainbat ekarri ditu gogora: Urruñan, 440.000 eurotan saldu zuten hamazortzi hektareako lursail bat; Bidarrain, 600.000 euro eskatu zituzten hamasei hektareako lursail batengatik; eta Donibane Lohizunen, 6.260.000 eurotan saldu zuten hamazortzi hektareako lur zatia.
Kanboko bi hautetsi nagusiak (auzapeza eta lehen axuanta) errabiatuak dira. Hiru herritarren kontra plainta ekarri dute, Marieneako pentzearen alde protestatzeagatik. Bigarren aldia da enetzat, goizeko 06:00etan, ohetik ateratzen gaituztela (bizilagunarekin), hamar bat... [+]
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Laborantza herrikoiaren alde eta espekulazioaren aurka lanean dabilen Ipar Euskal Herriko egitura 2013an osatu zuten eta orduz geroztik 35 laborari dabiltza ekoizpenean, Lurzaindiaren lurretan.
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.