EHUn Medikuntza euskaraz ikasteko plaza kopurua espainolezkoarekin parekatu nahi du Jaurlaritzak
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin, eta errektoreari eskatu dio plaza horiek euskaraz izan daitezela.
EHUk 200 plaza eskaintzen ditu Medikuntza espainolez ikasteko, eta 168 euskaraz ikasteko. Euskarazko plaza guztiak betetzen direla ikusita, eta kontuan hartuta osasun sistemak euskaraz dakiten profesionalak falta dituela, EH Bilduk hala galdetu dio berriki Eusko Jaurlaritzako Zientzia, Unibertsitate eta Berrikuntzako sailburuari: euskaraz eskaintzen diren Medikuntza graduko plazak areagotzea beharrezkoa dela uste al du sailburuak? Juan Ignacio Perez Iglesias sailburuak oso labur erantzun du eta ez da busti, argudiatuta "EHUk unibertsitate-autonomia" duela horretarako.
Aste honetan, baina, Alberto Martinez Osasun sailburua Eva Ferreira EHUko errektorearekin eta Medikuntza eta Erizaintza Fakultateko ordezkariekin bildu da, eta akordioa egin dute datorren ikasturtean Medikuntzak 40 plaza gehiago eskaini ditzan. "Sailburuak errektoreari eskatu dio plaza gehigarri horiek euskaraz izatea", gehitu du zabaldu duten oharrak. Hortaz, espainolezko eskaintzarekin parekatuko litzateke euskarazkoa, 208 plazarekin.
Espainolezko lerroa izateak zentzurik du?
Kontuak kontu, euskarazko zenbat plaza eta espainolezko zenbat, eztabaidak ez duela hor kokatu behar aldarrikatzen du hainbatek, tartean Aitor Montes medikuak. Bere hitzetan, "Medikuntza ikasleek ez dute eskubiderik ikasketak gaztelaniaz baino ez egiteko, testuinguru eleanitz honetan mediku elebakar gisa graduatzeko". Euskal Herriko Unibertsitate publikoaren betebeharra da "pazienteei arreta bi hizkuntzatan, euskaraz eta gaztelaniaz, eskaintzeko profesional konpetenteak sortzea". Montesen iritziz, eredu bakarra izan beharko luke EHUren Medikuntza karrerak, non ikasleek derrigorrez euskarazko eta gaztelaniazko ikasgaiak izango dituzten, eta ingelesa ere ikasiko duten, "nazioarteko jakintza asko hizkuntza horretan dagoelako".
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Urri hasieran kaleratutako EHUko irakaslearen inguruko txosten bat egiteko eskatu dio Fiskaltzak Ertzaintzari. Kasuaren nondik norakoak sakonki ikertzeko eta gorroto deliturik egon den ala ez aztertzeko helburua du, salaketa jartzea erabaki aurretik.
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ezin inoiz jakin zer topatuko duzun ikasturtea hasten denean, irailaren lehenak beti ohi dira tentsio altuko garaiak, hiru ala berrogei urte izan. Motibazio altuko garaia, hizkuntza eskolan eta gimnasioan izena emateko unea. Aurten zeramika ere egingo dut, beti izan da nire... [+]
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.