Ehun bat lagunek espekulazioaren kontrako protesta egin dute Aiherran
Larunbatean herritarrek salatu zuten “onartezinak” direla herrian salgai dauden lurren prezioak, azken urteetan igotzen ari direnak. Esaterako, Lohixundea ondoan 2.933 metro koadroko lurrak 425.000 euroan daude salmentan. “Prezio duinak” eskatu dituzte, Aiherran bizi ahal izateko.
Aiherra ez da salgai eta Espekulazioari ez leloak zituzten pankartekin protesta egin zuten ehun bat herritarrek urtarrilaren 30ean, Aiherran, Nafarroa Beherean. Lohixundeko bideko lur batzuetan elkartu ziren manifestariak, salatzeko azken urteetan herriko lurren prezioak igotzen ari direla. Eremu horretan 2.933 metro koadro 425.000 euroan jarri dituzte salmentan, Kazeta.eus-ek argitaratu duenez. Halaber, kritikatu dute herri erdigunean 4.800 metro koadroko eremua 260.000 euroan dagoela salgai.
Arberoako ibarrean bizitzeko eskubidea aldarrikatu dute, eta horretarako “prezio duinak” eskatu, espekulazioa baztertuta. “Gure ahaletatik kanpo diren lur salmentek ondorio latzak dituzte gu eta gure ondokoentzat”, ohartarazi du protestari batek, Kazeta.eus-ek jaso duenez. Izan ere, salatu dute agentzien eta saltzaileen espekulazioak etxebizitza eskubidea oztopatzen duela, eta zenbait arazo aipatu dituzte: gazteak herritik kanpo joan behar izatea, prezio altuengatik mailegu luzeetan zorpetzea edota Aiherrako etxeak bigarren etxebizitza bilakatzea, herritarrek eurek ezin dituztelako erosi.
Herritarrek espekulazioaren aurkako borrokan segiko dute, eta datorren hitzordua Denen Etxea egoitzan antolatu dute, otsailaren 12rako.
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Laborantza herrikoiaren alde eta espekulazioaren aurka lanean dabilen Ipar Euskal Herriko egitura 2013an osatu zuten eta orduz geroztik 35 laborari dabiltza ekoizpenean, Lurzaindiaren lurretan.
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.
Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.