EHUko talde bat elkarlanean dabil genozidioarekin lotutako institutu israeldar batekin
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski arbuiatzen ez duten erakundeekin.
Quench izeneko hitzarmenak batzen ditu Euskal Herriko Unibertsitatea eta Israel Institute of Technology, estatu sionistako sare militar-industrialean garrantzia handia duen ikerketa gunea, Ahoztar Zelaietaren esanetan. El Salto hedabidean idatzi duenez, Espainiako Gobernuari “borrokan frogatutako” armak saltzen dizkion enpresa israeldar batekin hitzarmenak sinatu dituzte Teknikerrek eta Tecnaliak, EHUko kide den bi erakundek.
EHUk apirilean publikoki adierazi zuen harremanak hautsiko zituela Israelgo unibertsitate eta erakundeekin, ez bazituzten “espreski arbuiatzen Palestinan jasaten ari diren giza eskubideen urraketak”. Gainera, Zibersegurtasunari buruzko katedra bat behin-behinean eten zuen, bertan parte hartzen zutelako Tel Aviveko Unibertsitateak eta armada sionistarekin loturak zituen aditu batek. Hala ere, Zelaietak azaldu duenez, ez ditu harremanak guztiz eten, eta elkarlanean jarraitzen dute euskal ikerketa taldeek eta Israelgoek.
Tecnaliak EHU, Eusko Jaurlaritza eta Araba, Bizkaia eta Gipuzkoako Foru Aldundiak kide ditu, besteak beste. Quench proiektu europarra da, erresonantzia magnetiko nuklearra ikertzen duena, eta bertan parte hartzen dute EHUk eta Tecnaliak 2024ko urtarrilaren 1etik. Quench proiektuan parte hartzen du Technion Research and Development fundazioak eta Israelgo Teknologia Institutuak ere bai. Zelaietaren arabera, erakunde israeldar hauek garrantzia handia dute sionisten sare industrial-militarrean.
Technion enpresak garatu ditu, El Salto hedabidearen esanetan, Palestinan etxeak erausteko erabili diren ‘bulldozerrak’, urruneko kontrolarekin dabiltzan hondeamakinak. Azaldu dutenez, gainera, militar sionistentzako ikasketa programak ditu Technionek eta lotura estua du Elbit Systems taldearekin. Azken honek saltzen dizkio Espainiako Defentsa Ministerioari Gazan “borrokan frogatutako” armak. Droneak eta mortero sistemak, besteak beste, Kataluniako behatoki batek ohartarazi zuenez.
EHUko teknologia kuantikoen ikerketa talde bat dago Quench proiektuan sartuta, erresonantzia magnetiko nuklearraren eremuan ikertzen ari dena. EHUk adierazi du, El Saltoren galderei erantzunda, ikerketa talde asko dituela mundu osoko unibertsitateekin elkarlanean aritzen direnak. Unibertsitate publikoak zehaztu duenez, talde horietako askok nazioarteko finantzazioa jasotzen dute, baina “finantzazioa jasotzeak ez du esan nahi finantzatutako gainerako unibertsitateekin harreman zuzen eta borondatezkoak garatzen direnik”. Beraz, haien esanetan EHUk ez du apurtu sionistekin harremanak eteteari buruzko erabakia.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
_2.jpg)
Denuncias Euskal Herria Instagrameko kontuan bost salaketa anonimo argitaratu dituzte irakasle beraren aurka, irakaslearen izena eman gabe, baina Filologia Hispanikoko irakaslea dela zehaztuta. ARGIAk gradu hori urte desberdinetan egin duten hiru ikasle ohirekin hitz egin du,... [+]
Gasteizko campuseko Farmazia Fakultateko ikasleek "faxismoaren aurka antolatzearen beharra" azpimarratu dute, eta EHUri irakaslearen berehalako kaleratzea exijitu diote.
"Gaia argitu arte, irakaslea ez da campusera itzuliko", adierazi du Joxerramon Bengoetxea errektoreak, eta gehitu du "bitartekaritza" bat abiatu dutela zer gertatu den ikertzeko eta horren aurrean zer egin ikusteko. EHUko Ikasle Kontseiluko lehendakari... [+]
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Aparteko iragarpenik egin gabe, "askatasun akademikoaren eta izpiritu kritikoaren" aldeko aldarria egin du Joxerra Bengoetxeak EHUko errektore karguaren zina egin duenean, Ajuria Enean: "Ebidentzia zientifikoak ukatzen dituztenen aurkako euste-horma izango da... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari,... [+]