EHUk osasun aseguru pribatua egiteko deskontua eskaini die beren langile publikoei aurten ere
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza helarazten diela langileei. EHUko osasun zerbitzuen pribatizazio politika orokorra dela salatu du LAB sindikatuak.
“UPV/EHUko aseguru-kontratu berriaren adjudikaziodun den aseguru-korreduriak (AON Iberia Correduria de Seguros y Reaseguros) aurkeztutako eskaintza gauzatzeko, IMQ Igualatorio Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHUko langileek beren kontu pertsonaletan maiatzaren 17an jaso zuten mezuak. “Eskaintza hau une honetan IMQrekin osasun-aseguruak dituzten eta eskaintza horri atxikitzeko interesa duten UPV/EHUko langileei ere aplikatuko zaie, betiere gaur egun kontratatuta dutena baino modalitate txikiago batera aldatzen ez badira”, zehazten du jarraian. Maiatzaren 1etik ekainaren 30era arteko epea dute langileek “eskaintza” onartzeko. EHUko iturri ezberdinek ARGIAri azaldu dutenez, hainbat urte dira EHUk osasun aseguru pribatuen eskaintza helarazten diela langileei urtez urte.
Hamarnaka mila aseguru pribatua
Informazio guztia EHUko webgunearen esteka honetan eskuragarri dutela jakinarazten zaie mezuan langileei. Bertan daude eskaintzaren eta IMQren zerbitzuak zehatz-mehatz jasota, IMQren eta AON aseguru enpresen sinadura daraman Eskaintza UPV/EHUko langileentzat dokumentuan. “UPV/EHUkoentzako baldintza ekonomiko esklusiboak, gutxienez % 15eko
deskontuarekin partikularren tarifei dagokienez”, dio dokumentuak. Lau zerbitzu mota kontratatzeko aukera ematen ditu IMQk: IMQ Aktiboa koordainketarekin + IMQ Hortzak Optima; IMQ Urdina koordainketarekin eta koordainketarik gabe (psikoterapia izan ezik) + IMQ Hortzak Optima; MQ Urrea koordainketarkein + IMQ Hortzak Optima; eta IMQ Hortzak Optima.
Baina eskaintza ez da soilik langileentzat, baita “haien bizikidetzako familia-unitateentzako” ere. Hau da, bikotekide, seme-alaba, eta langilearen zein bikotekidearen gurasoentzat ere, etxebizitza berean biziz gero. Azken Gobernu Kontseiluan emandako datuen arabera EHUk 7.867 langile zuzen ditu (azpikontratatutako langileak, polizia pribatuak edo garbitzaileak kasu, eskaintzatik kanpo geratzen dira), horiei aipatutako senideak gehituta, osasun aseguru pribaturako beherapen eskaintza miliaka herritarri zuzenduta dago.
Eredua aldatzeko borondate politikoa
“Unibertsitate publikoak ez lituzke inolaz ere osasun-aseguru pribatuak bultzatu behar”, adierazi diote ARGIAri EHUko LAB sindikatutik, eskaintzaz galdetzean. Kasu zehatz honetan harago, EHU “eredu pribatizatzaile eta neoliberala” sakontzen ari dela eta osasun zerbitzuen pribatizazio prozesua orokorra dela salatu du sindikatuak: “Aspaldidanik, EHUko langileei eskainitako osasun-zerbitzu asko enpresa pribatuen esku daude, analitikak eta osasun azterketak kasu. EHUk berak bere osasun-profesionalen bidez ematen zituen zerbitzuak gradualki esku pribatuetara pasatu dira, Arabako campusean 4 urte daramatzagu medikurik gabe, zerbitzu horiek eta beste batzuk kanpora ateratzen ari dira”.
EHUko zuzendaritzari dei egin dio LABek ereduz aldatu dezan, “zerbitzu publikoak indartzeko eta funts publikoak negozio pribatuetara ez bideratzeko”. EHU, bestalde, EHU Jaurlaritzaren administraziopean dago, eta bere langileak administrazio publikoko langileak dira. Alde horretatik, instituzio politikoei eta alderdiei ere zuzendu zaie sindikatua: “Arlo instituzionaletik eta alderdi politikoetatik neurriak bultzatu behar dira praktika hauekin bukatzeko, eta zerbitzu publikoak (kasu honetan irakaskuntza arloko langileentzako osasun zerbitzuak) indartzeko. Baina, horretarako, nagusiki, borondate politikoa behar da”.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale... [+]
Josefina Arregi Klinikaren irekieran Gorka Urtaran jarduneko alkatea ere egon da.
CCOO, UGT, CEOE, CEPYME eta AENCeren arteko akordioa salatu du Nafarroako Osasun plataformak. Akordioaren xedea da gaixoen baimen arruntak mutualitateek kudeatzea.