EHUk eskolak ematea debekatu dio, behin-behinean, “mezu faxistak” zabaldu dituen irakasleari
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu dute. EHUk irakasleak zabaldutako mezuak “unibertsitatearen baloreekin bat datozen” aztertuko du.
Irailaren 30ean, ikasleek batzarra egin dute Zuzenbide fakultatean “Faxistak kanpora” lelopean eta 11:00etan ehunka lagun bildu dira elkarretaratzean EHUri irakaslea kanporatzeko eskatzeko. EITBk eguerdian jakinarazi duenez, behin-behinean ez du eskolarik emango mezu faxistak zabaldu dituen irakasleak.
Concentración dentro de la facultad de derecho de la UPV al grito de "Faxistak kanpora" exigiendo la expulsión del profesor:pic.twitter.com/FLa4L10pVo https://t.co/oui7bkoNL8
— Gure bideoak (@GureBideoak) September 30, 2024
Lan-zuzenbideko irakaslearen aurkako afera irailaren 27an hasi zen. Leioatik! hedabideak jakinarazi zuen ideia faxistak sareen bidez zabaltzen zituen irakasle bat eskolak ematen ari zela Leioako Zuzenbide Fakultatean. Beti ere hedabideak adierazi duenaren arabera, irakasleak Falange Española de las JONS eta mezu faxistak zabaltzen dituen Santiago Armesillaren argitalpenak hedatu ditu, baita mezu matxistak, homofoboak eta Francoren aldekoak ere zabaldu ditu.
Irailaren 27ko goizean eskolak ematera joan zen irakaslea eta hainbat ikaslek ikasgelatik irtetea oztopatu zion, bideoan ikusten den bezala. Azkenean, unibertsitateko segurtasun indarrek babestuta atera zen fakultatetik. Ernai gazte mugimenduak ekintza bere gain hartu zuen eta EHUri eskatu zion irakaslea kanporatzeko.
Un profesor de derecho de la facultad de Leioa ha tenido que huir escoltado tras publicar mensajes fascistas, machistas y homófobos en redes sociales. Ernai ha reivindicado la acción: pic.twitter.com/BLhuRdKpTo
— Gure bideoak (@GureBideoak) September 27, 2024
Irailaren 29an Jose Ignacio Perez Iglesias Zientzia, Unibertsitate eta Berrikuntza sailburuak Radio Euskadin hitz egin zuen ostiraleko gertakizunez. Adierazi zuen ikasleek irakasleari egindako jazarpena "onartezina" dela. Gehitu zuen irakasleak esandakoak aztertu beharko liratekeela, akademiaren ideiekin bateraezinak diruditelako. Esan zuen “delitu izan daitezkeen iruzkinak baldin badira, horren aurkako neurriak hartu beharko” dituztela.
Irakasleak X plataforman zabaldutako mezuetako batzuk
Abortatzearen aurkako mezu hau zabaldu du, adibidez: “Abortuaren aldeko emakumeak, aita baztertzen duzuenok eta bizitza gutxietsi. Puta alabak, egin duzue harrikoa aurrekoan agindu nizuen bezala? Plateren batean edo edalontziren batean orban bat ikusten badut ikusiko duzue... Gaitzetsi krimenak eta erditu zaitezte, kabroiak. Gora Espainia, urdangak”.
Falangisten aldeko mezu hau ere bai: “Non dago erregea, Felipe VI.a? Falangistok beti esan dugu, monarkia borboitarra ez da ezeren bermea, bere dinastia negargarriarena baino. Borboia ez dago eta inor ez dago bere zain. Separatismo kriminalaren beste konplize bat, onartzen duena”.
Mezu homofoboen adibide bat da ondokoa: “Pfffff….. Ze bujarra itxura daukaten Euskadiko PPkoek. Marikoiarena egitea modan dago botoak irabazteko ala? Nirekin ez daitezela gogoratu zeren hondoratuko ditut… Maritxuarena egitea baino nahiago dut hil. Haien boto-papera bota dut olio-ontzi batera”.
Irungo alardeaz eta hango alkate Cristina Labordaz ere idatzi du: “Alardea Francorekin askoz hobea zen: ereserki nazionalaren akordeak entzuten ziren. Orain zer daukagu? Umeak hiltzea baimentzen duen alkate batek egiten digu harrera. Ezin gaituzte gehiago zikindu. Zu, @_laborda, baino askoz gehiago gustatzen zait Franco.. Jo ezazu ereserkia, jo ezazu...”.
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
_2.jpg)
Denuncias Euskal Herria Instagrameko kontuan bost salaketa anonimo argitaratu dituzte irakasle beraren aurka, irakaslearen izena eman gabe, baina Filologia Hispanikoko irakaslea dela zehaztuta. ARGIAk gradu hori urte desberdinetan egin duten hiru ikasle ohirekin hitz egin du,... [+]
Gasteizko campuseko Farmazia Fakultateko ikasleek "faxismoaren aurka antolatzearen beharra" azpimarratu dute, eta EHUri irakaslearen berehalako kaleratzea exijitu diote.
"Gaia argitu arte, irakaslea ez da campusera itzuliko", adierazi du Joxerramon Bengoetxea errektoreak, eta gehitu du "bitartekaritza" bat abiatu dutela zer gertatu den ikertzeko eta horren aurrean zer egin ikusteko. EHUko Ikasle Kontseiluko lehendakari... [+]
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Aparteko iragarpenik egin gabe, "askatasun akademikoaren eta izpiritu kritikoaren" aldeko aldarria egin du Joxerra Bengoetxeak EHUko errektore karguaren zina egin duenean, Ajuria Enean: "Ebidentzia zientifikoak ukatzen dituztenen aurkako euste-horma izango da... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]